స్థానిక ఎన్నికల్లో కూటమి అభ్యర్థుల విజయానికి నంద్యాల న్యాయవాదులు కృషి చేయాలి: నంద్యాల జిల్లా టీడీపీ ప్రధాన కార్యదర్శి ఎన్ఎండి ఫిరోజ్

సూర్య, నంద్యాల బ్యూరో:నంద్యాల పట్టణంలో నిర్వహించిన తెలుగుదేశం పార్టీ లీగల్ సెల్ సమావేశానికి ముఖ్య అతిథులుగా  తెలుగుదేశం పార్టీ నంద్యాల జిల్లా ప్రధాన కార్యదర్శి  ఫిరోజ్ తెలుగుదేశం పార్టీ రాష్ట్ర నాయకులు ఫయాజ్ పాల్గొన్నారు. ఈ సందర్బంగా రాబోయే స్థానిక సంస్థల ఎన్నికల్లో కూటమి అభ్యర్థుల విజయానికి టీడీపీ లీగల్ సెల్ న్యాయవాదులు సమష్టిగా కృషి చేయాలని  ఫిరోజ్ తెలిపారు. ఎం ఎండీ ఫిరోజ్ మాట్లాడుతూ గత ఎన్నికల్లో నంద్యాలలో టీడీపీ అభ్యర్థి  ఫరూక్ భారీ మెజారిటీతో విజయం సాధించడంలో న్యాయవాదుల సహకారం కీలకమన్నారు. అదే స్ఫూర్తితో రాబోయే  స్థానిక సంస్థల ఎన్నికల్లో కూటమి పార్టీ నాయకులు, కార్యకర్తలు, న్యాయవాదులు సమన్వయంతో పనిచేసి కూటమి  అభ్యర్థుల విజయానికి కృషి చేయాలని కోరారు. ఆంధ్రప్రదేశ్ రాష్ట్ర న్యాయ శాఖ మంత్రివర్యులు ఎన్ఎండీ ఫరూక్  న్యాయవాదుల సంక్షేమానికి ప్రత్యేక శ్రద్ధ చూపుతున్నారని ఎన్నో ఏళ్లుగా పెండింగ్‌లో ఉన్న జూనియర్ కోర్టుల మంజూరు, సిబ్బంది నియామకం వంటి చర్యలు న్యాయవాదులకు ఎంతో ఉపయోగకరమన్నారు. న్యాయవాదుల రక్షణ చట్టం తీసుకురావడానికి ప్రభుత్వం కృషి చేస్తోందని, కర్నూలులో హైకోర్టు ఏర్పాటు అంశం త్వరలో పూర్తి కానుందని ఫిరోజ్ తెలిపారు.ప్రజలకు న్యాయపరమైన అవగాహన కల్పించడంతో పాటు, వైసీపీ పార్టీ చేస్తున్న నీచ రాజకీయాలను ఎండకడుతూ పార్టీ బలోపేతానికి న్యాయవాదులు తమ వంతు బాధ్యత నిర్వర్తించాలని నాయకులు సూచించారు.రాబోయే స్థానిక సంస్థల ఎన్నికల్లో కూటమి అభ్యర్థుల విజయమే లక్ష్యంగా ప్రతి ఒక్కరూ ఐక్యంగా ముందుకు సాగాలని ఎన్ఎండీ ఫయాజ్ పిలుపునిచ్చారు. ఈ కార్యక్రమంలో టీడీపీ మాజీ రాష్ట్ర కార్యదర్శి వెదుర్ల రామ చంద్రరావు, మార్క్ ఫెడ్ కార్పొరేషన్ డైరెక్టర్ తాతిరెడ్డి తులసిరెడ్డి, హుస్సేన్ భాష, ఖలీల్, డిఎన్ బాబు,ప్రసాద్ రెడ్డి, గొల్ల జయకృష్ణ,నటరాజ రావు, మద్దిలేటి, సాయిరాం రాయల్,బాలహాజీ మరియు  తెలుగుదేశం పార్టీ లీగల్ సెల్ సభ్యులు తదితరులు పాల్గొన్నారు
*మధుబాబు, సూర్య బ్యూరో ఇంచార్జి, నంద్యాల జిల్లా*