సంప్రదాయాలకు పాతర వేస్తున్న టీటీడీ

 

తిరుమల తిరుపతి దేవస్థానంలో సాంప్రదాయాలకు పాత్ర వేస్తున్నారని, సంప్రదాయాలను పట్టించుకోకుండా తమకు తీరని అన్యాయం చేస్తున్నారని కొప్పెర వంశస్థులు ఆవేదన వ్యక్తం చేశారు. దీనిపై రాష్ట్ర ముఖ్యమంత్రి కి ఫిర్యాదు చేస్తామని పేర్కొన్నారు. తిరుపతి రూరల్ మండలం కొప్పెర వాండ్ల పల్లెలో ఏర్పాటు చేసిన మీడియా సమావేశంలో కొప్పెర వంశిస్థులు మీడియాతో మాట్లాడుతూ ఆగ్రహం వ్యక్తం చేశారు. కొప్పెర వంశస్థులు సాయి సురేష్ మీడియాతో మాట్లాడుతూ,

ఆనవాయితీగా వస్తున్న ఆచారాన్ని టిటిడి అధికారులు తుంగలోకి తొక్కుతున్నారని ఆవేదన వ్యక్తం చేశారు. 

 1821 జూలై 25 నుండి కొప్పెర హుండి  శ్రీవారికి ఇచ్చే పద్ధతిని కొనసాగిస్తున్నామని తెలిపారు. కొప్పిర సమర్పించే సమయములో మా కుటుంబంలోని 30 నుండి 40 మందికి శ్రీవారి దర్శనాన్ని కల్పించే వారిని ఆయన తెలిపారు. అయితే.

2024 నుండి మా ఆనవాయితీని కాదని 6 మందికే  దర్శన ఏర్పాట్లు చేస్తుందని చెప్పారు.మా కుటుంబంలో ఆడబిడ్డలు ఉన్నారు వాళ్ళని ఎలా కాదనేది ఎలా అని ఆయన ప్రశ్నించారు.

మా తాతల తరం నుండి అష్టలక్ష్మి గంగాళాన్ని తిరుమల తిరుపతి దేవస్థానానికి అందిస్తున్నామని చెప్పారు. టిటిడి అదనపు ఈవో

వెంకయ్య చౌదరి వచ్చినప్పటి నుండి మాకు దర్శనాలు రద్దు చేశారని చెప్పారు. అందుకే ఈ సంవత్సరం గంగాళాన్ని టిటిడి కి ఇచ్చే విధానాన్ని నిలిపివేస్తున్నామని ఆయన స్పష్టం చేశారు.

ఈ విషయాన్ని సీఎం చంద్రబాబు నాయుడు వద్దకు తీసుకెళ్తామని తెలిపారు.

మాకు ఇస్తున్న పాత ఆచారాన్ని  కొనసాగించేంతవరకు పోరాడుతామని చెప్పారు. టిటిడి అధికారులు వెంటనే స్పందించి కొప్పెర వంశిస్తులకు వారికి న్యాయం చేయాలని డిమాండ్ చేశారు.