andhrapradesh
స్కేటింగ్ పోటీల్లో సత్తా చాటిన అక్కాచెల్లెళ్లు.. హీనా ఫైజాకు రెండు స్వర్ణాలు, నైరాకు రెండు రజతాలు
అనంతపురం బ్యూరో : స్కేటింగ్ పోటీల్లో అనంతపురం నగరానికి చెందిన అక్కాచెల్లెళ్లు ప్రతిభ కనబరిచి పతకాలు సాధించారు. స్థానిక సింజీ స్కూల్‌లో చదువుతున్న హీనా ఫైజా, నైరా తమ క్రీడా నైపుణ్యంతో విజయాన్ని అందుకున్నారు.
సింజీ స్కూల్‌లో రెండో తరగతి చదువుతున్న హీనా ఫైజా రింక్‌-1, రింక్‌-3 విభాగాల్లో పోటీపడి రెండు బంగారు పతకాలు సాధించింది. అదే పాఠశాలలో యూకేజీ చదువుతున్న నైరా రింక్‌-4, రింక్‌-5 విభాగాల్లో ప్రతిభ కనబరిచి రెండు రజత పతకాలను కైవసం చేసుకుంది.
చిన్న వయసులోనే స్కేటింగ్‌లో పతకాలు సాధించిన అక్కాచెల్లెళ్లను పలువురు అభినందించారు. కోచ్ అంజి శిక్షణలో వీరు ఈ విజయాన్ని సాధించడం విశేషం. భవిష్యత్తులో మరిన్ని పోటీల్లో పాల్గొని ఉన్నత స్థాయి విజయాలు సాధించాలని క్రీడాభిమానులు ఆకాంక్షించారు.
