శ్రీఆదిత్య మహిళా డిగ్రీ కళాశాలలో ప్రపంచ పర్యాటక దినోత్సవం

శ్రీఆదిత్య మహిళా డిగ్రీ కళాశాలలో ప్రపంచ పర్యాటక దినోత్సవం

భీమవరం, మేజర్ న్యూస్: 

శ్రీ ఆదిత్య మహిళా డిగ్రీ కళాశాలలో ఎన్‌ఎస్‌ఎస్‌ యూనిట్లు 1, 2 ఆధ్వర్యంలో ప్రపంచ పర్యాటక దినోత్సవాన్ని నిర్వహించారు. ఈ సందర్భంగా విద్యార్థినులకు పర్యాటక ప్రాధాన్యత, భారతదేశ చారిత్రక, సాంస్కృతిక, ప్రకృతి సంపదపై అవగాహన కల్పించారు.

కళాశాల డైరెక్టర్ ఎం. శ్రీనివాస్ మాట్లాడుతూ పర్యాటకం ద్వారా చరిత్ర, సంస్కృతి, సంప్రదాయాలు, ప్రకృతి వైభవం ప్రపంచానికి పరిచయమవుతాయని తెలిపారు. పర్యాటక ప్రాంతాల్లో పరిశుభ్రత, పర్యావరణ పరిరక్షణకు ప్రతి ఒక్కరూ ప్రాధాన్యం ఇవ్వాలని సూచించారు.

ప్రిన్సిపాల్ ఎ. అనురాధ మాట్లాడుతూ పర్యాటక ప్రాంతాలను సందర్శించడం ద్వారా విద్యార్థినుల్లో ప్రత్యక్ష అనుభవం, సామాజిక, సాంస్కృతిక అవగాహన పెరుగుతుందని అన్నారు. వైస్‌ ప్రిన్సిపాల్ బి. మావుల్లు, ఎన్‌ఎస్‌ఎస్‌ ప్రోగ్రామ్‌ ఆఫీసర్ బ్రహ్మం మాట్లాడుతూ బాధ్యతాయుతమైన పర్యాటకంపై యువతలో చైతన్యం అవసరమన్నారు. కార్యక్రమంలో అధ్యాపకులు, ఎన్‌ఎస్‌ఎస్‌ వాలంటీర్లు, విద్యార్థినులు పాల్గొన్నారు.

 శ్రీనివాస్ భీమవరం