శ్రీ కుసుమ హరనాథ క్షేత్ర కార్తీక మాస లీలా కల్యాణ మహోత్సవానికి మాజీ ఎమ్మెల్యే అన్నా రాంబాబుకు ఆహ్వానం!
మార్కాపురం, మేజర్న్యూస్ :
మార్కాపురం పట్టణంలోని స్థానిక జవహర్ నగర్ కాలనీలో గల మాజీ ఎమ్మెల్యే,మార్కాపురం నియోజకవర్గ వైఎస్సార్సీపీ ఇన్ఛార్జ్ అన్నా రాంబాబు గారి స్వగృహంలో గిద్దలూరు పట్టణంలోని ప్రసిద్ధ శ్రీ కుసుమ హరనాథ క్షేత్ర ఆలయ కమిటీ సభ్యులు మర్యాదపూర్వకంగా కలిశారు.
ఈ సందర్భంగా పవిత్ర కార్తీక మాసాన్ని పురస్కరించుకుని శ్రీ కుసుమ హరనాథ క్షేత్రంలో అత్యంత భక్తిశ్రద్ధలతో నిర్వహించనున్న ప్రత్యేక పూజా కార్యక్రమాలు,లీలా కల్యాణ మహోత్సవానికి ముఖ్య అతిథిగా విచ్చేసి స్వామివారి ఆశీస్సులు పొందాలని,వేడుకల్లో పాల్గొని కార్యక్రమానికి మరింత శోభ చేకూర్చాలని ఆలయ కమిటీ సభ్యులు అన్నా రాంబాబు గారిని ఆహ్వానించారు.
ఈ ఆహ్వానం ఆధ్యాత్మికతకు,భక్తిభావానికి ప్రతీకగా నిలిచింది.ఈ మహోత్సవం భక్తజనుల సమక్షంలో అంగరంగ వైభవంగా జరగాలని ఆలయ కమిటీ సభ్యులు ఆకాంక్షించారు.