శిష్టకరణం నూతన కార్యవర్గం ఎన్నిక

• జాతి ఐక్యతకు కృషి.. ఎస్‌ఎంసీ చైర్మన్‌గా ఎన్నికైన బెహరా జగన్నాథం పట్నాయక్‌కు ఘన సన్మానం

​హిరమండలం: మండల శిష్టకరణం సంఘం నూతన కార్యవర్గాన్ని స్థానిక శ్రీ జగన్నాథ స్వామి ఆలయ ప్రాంగణంలో ఆదివారం నిర్వహించిన సమావేశంలో ఏకగ్రీవంగా ఎన్నుకున్నారు. ఈ నూతన కమిటీ అధ్యక్షుడిగా డబ్బీరు కృష్ణారావు, ప్రధాన కార్యదర్శిగా బెహరా సుధాకర్, ఉపాధ్యక్షులుగా సదాశివుని రామ శంకర్, బెహరా జగన్నాథం, సహాయ కార్యదర్శులుగా కరణం సంజీవ రావు, అల్లిన సురేష్, కోశాధికారిగా కోడూరు వంశీ, ఆర్గనైజింగ్ కార్యదర్శిగా ఉదండరావు రాజేష్, మహిళా కార్యదర్శిగా బెహరా ఉషా రాణి, న్యాయ సలహాదారుగా నందిగాం ఆనందరావు, గౌరవ అధ్యక్షుడిగా నందిగాం శ్రీనివాసరావు, గౌరవ సలహాదారుడిగా రఘుపాత్రని గోవింద పట్నాయక్, మరియు కార్యవర్గ సభ్యులుగా సదాశివుని నాగేశ్వరావు, బలివాడ రామ కృష్ణ, కరకవలస సురేష్, ఉరిటీ జయకృష్ణలు ఎంపికయ్యారు. ఈ సందర్భంగా నూతన అధ్యక్షుడు డబ్బీరు కృష్ణారావు, కార్యదర్శి బెహరా సుధాకర్ మాట్లాడుతూ మండలంలో శిష్టకరణ సామాజిక వర్గ ఐక్యత, అభివృద్ధి, సంక్షేమానికి తోడ్పడతామని, సభ్యులకు ఏ సమస్య వచ్చినా సంఘం పరంగా అండగా ఉంటామని హామీ ఇచ్చారు. అలాగే, ఇటీవల శుభలయ ఆర్ ఆర్ కాలనీ జడ్పీ హైస్కూల్ పాఠశాల నిర్వహణ కమిటీ (ఎస్‌ఎంసీ) చైర్మన్‌గా ఏకగ్రీవంగా ఎన్నికైన బెహరా జగన్నాథం పట్నాయక్‌‌ను సంఘ సభ్యులంతా శాలువా కప్పి, పుష్పగుచ్ఛం అందించి ఘనంగా సత్కరించారు. చివరగా, సంఘం తదుపరి సమావేశాన్ని నవంబర్ 1వ తేదీన నిర్వహించనున్నట్లు సభ్యులు తెలియజేశారు.