తీరంలో పుట్టగొడుగుల్లా దుకాణాలు*

*తీరంలో పుట్టగొడుగుల్లా దుకాణాలు*

వేటపాలెం: మండలంలోని రామాపురం, కఠారి వారిపాలెం, పొట్టి సుబ్బయ్యపాలెం తీర ప్రాంతాల్లో అనుమతులు లేకుండానే దుకాణాలు, రేకుల షెడ్లు, గదులు ఏర్పాటు చేస్తున్నారు. సముద్రానికి సమీపంలో, రహదారుల పక్కన కూల్‌డ్రింక్స్‌, చేపలు, సిగరెట్లు తదితర వ్యాపారాల కోసం నిర్మాణాలు చేపడుతున్నారు. కొన్ని దుకాణాలకు విద్యుత్‌ మీటర్లు మంజూరు కావడంపై స్థానికులు ప్రశ్నిస్తున్నారు. నిర్మాణాలకు అనుమతులు ఉన్నాయా? విద్యుత్‌ కనెక్షన్లు ఏ పత్రాల ఆధారంగా ఇచ్చారనే దానిపై అధికారులు స్పష్టత ఇవ్వాలని కోరుతున్నారు. తీర ప్రాంతంలోని నిర్మాణాలపై పంచాయతీ, రెవెన్యూ, విద్యుత్‌ శాఖల అధికారులు సమగ్రంగా పరిశీలించాలని స్థానికులు కోరుతున్నారు.