సైదాపురం మండలంలో నేదురుమల్లి సుడిగాలి పర్యటన

సైదాపురం,  మేజర్ న్యూస్ :     జడ్పీటీసీ, ఎంపీటీసీ ఎన్నికల నేపథ్యంలో వైఎస్సార్ కాంగ్రెస్ పార్టీ వెంకటగిరి నియోజకవర్గ సమన్వయకర్త నేదురుమల్లి రామ్ కుమార్ రెడ్డి సైదాపురం మండలంలోని పలు గ్రామాల్లో విస్తృతంగా పర్యటించారు. రామసాగరం, సైదాపురం, ఊటుకూరు, గ్రిద్దలూరు, తులిమెర్ల, జోగుపల్లి, చాగానం, మార్లపూడి పంచాయతీల పరిధిలోని వివిధ పోలింగ్ కేంద్రాలను సందర్శించి పోలింగ్ సరళిని పరిశీలించారు. ఈ సందర్భంగా ఆయా పోలింగ్ కేంద్రాల వద్ద ఎంపీటీసీ, జడ్పీటీసీ అభ్యర్థులు, స్థానిక నాయకులతో మాట్లాడి ఓటింగ్ పరిస్థితులపై వివరాలు అడిగి తెలుసుకున్నారు. పోలింగ్ జరుగుతున్న తీరును పరిశీలిస్తూ నాయకులు, కార్యకర్తలతో ఎన్నికల పరిస్థితులపై చర్చించారు. మండలంలోని వివిధ గ్రామాల్లో పోలింగ్ సరళిని ఎప్పటికప్పుడు తెలుసుకుంటూ పర్యటన కొనసాగించారు.