రెవెన్యూ మరియు సర్వే సేవల ప్రగతిపై సమీక్షా సమావేశం
పెండింగ్ దరఖాస్తుల త్వరితగతిన పరిష్కారానికి అధికారులకు స్పష్టమైన ఆదేశాలు
జిల్లా కలెక్టర్ విజయ కృష్ణన్
అనకాపల్లి ప్రతినిధి ,సెప్టెంబర్ 17, మేజర్ న్యూస్:
జిల్లాలో రెవెన్యూ శాఖకు సంబంధించిన వివిధ సర్వే పనులు, భూ రికార్డుల ప్రక్షాళన మరియు పెండింగ్ దరఖాస్తుల పరిష్కారంపై మంగళవారం ఉదయం జిల్లా కలెక్టర్ సమావేశ మందిరములో జిల్లా కలెక్టర్ మరియు జాయింట్ కలెక్టర్ సౌర్యమని పటేల్ ఉన్నత స్థాయి అధికారులతో సమీక్షా సమావేశం నిర్వహించారు.
ఈ సమావేశంలో జిల్లా కలెక్టర్ మాట్లాడుతూ వివిధ మండలాల వారీగా ప్రగతి పనులు అడిగి తెలుసుకున్నారు. ఈ సమీక్షలో పనులను నిర్దేశిత గడువులోగా పూర్తి చేయడంలో ఆలస్యం వహిస్తున్న అధికారులను తీవ్రంగా ఖండించారు.
గ్రామాలలో చేపట్టాల్సిన రీ-సర్వే పనులు, భూ దరఖాస్తుల పరిశీలన మరియు డిజిటల్ సైన్ ప్రక్రియను ఎలాంటి జాప్యం లేకుండా వెంటనే పూర్తి చేయాలని ఆదేశిస్తూ సుదీర్ఘకాలంలో పెండింగ్లో ఉన్న వివిధ రెవెన్యూ దరఖాస్తులను తక్షణమే పరిష్కరించి, బాధితులకు సత్వరమే సేవలు అందించాలని స్పష్టం చేశారు. విధుల పట్ల నిర్లక్ష్యం వహించే సంబంధిత తహశీల్దార్లు, ఎంఆర్ఓలు, విఆర్ఓలు మరియు ఇతర రెవెన్యూ సిబ్బంది తీరుపై అసంతృప్తి వ్యక్తం చేస్తూ, బాధ్యులపై తగిన చర్యలు ఉంటాయని ఆదేశించారు.
ప్రజలకు మెరుగైన, పారదర్శకమైన పాలన అందించడమే ప్రభుత్వ ప్రధాన లక్ష్యమని, ఇకపై ఎట్టి పరిస్థితుల్లోనూ జాప్యం వహిస్తే సహించేది లేదని తెలియపరిచారు.
అన్ని మండలాల అధికారులు సమన్వయంతో పనిచేసి, ప్రజల నుండి వచ్చే విజ్ఞప్తులను నిర్ణీత వ్యవధిలో పరిష్కరించాలని ఆదేశించారు. జిల్లా జాయింట్ కలెక్టర్ మాట్లాడుతూ: పెండింగ్ లో ఉన్న భూ సర్వే పనులను నిర్ణీత గడువులోగా పూర్తి చేయాలని, లేకపోతే ఇబ్బందులు పడవలసి వస్తుందని.
ఇది చాలా సీరియస్ వార్నింగ్ గా భావించి. లాగిన్ లో ఉన్న పనులను అప్డేట్ చేయాలని, లేదంటే సంబంధిత అధికారులపై చర్యలు ఉంటాయని చెప్పారు.
ఈ కార్యక్రమంలో జిల్లా కలెక్టర్ తో పాటు జాయింట్ కలెక్టర్, డి ఆర్ వో వై సత్యనారాయణ రావు, మరియు తహశీల్దార్లు, ఎంఆర్ఓలు, విఆర్ఓలు ఇతర రెవెన్యూ సిబ్బంది పాల్గొన్నారు.
రవికుమార్ జిల్లా ఇంచార్జ్ ఎన్టిపి సూర్య