BREAKING
రేవుపోలవరం అయ్యప్ప పీఠానికి అయ్యప్ప విగ్రహం బహుకరణ! అమెరికా ప్రభుత్వ సేవల్లో టెక్నికల్ లోపాలకు సైబర్ దాడి కారణం కాదు: హోంల్యాండ్ సెక్యూరిటీ అధికారి వెల్లడి! ఇంట్లో ఈ 10 రకాల మొక్కలు ఉంటే స్వచ్ఛమైన గాలితో పాటు సంపూర్ణ ఆరోగ్యం మీ సొంతం వెల్డింగ్ పని చేస్తుండగా విద్యుత్ షాక్ తగిలి వ్యక్తి మృతి. రష్యాలో కఠిన చట్ట సవరణ: యుద్ధ వ్యతిరేక వ్యాఖ్యలపై భారీ జరిమానాల బిల్లుకు స్టేట్ డూమా తొలి ఆమోదం! సీఎం సభను ప్రతాప్ రెడ్డి అడ్డుకుంటాం అనడం సిగ్గుచేటు ముప్పు గ్రామాల కౌన్సిలర్లు.. మంత్రి నాదెండ్ల మనోహర్ ను మర్యాదపూర్వకంగా కలిసిన ఎంపీటీసీ లాల్ స్వామి ఎస్.రాయవరంలో అంగరంగ వైభవంగా అయ్యప్ప పడిపూజ! ఆరోగ్య ప్రయోజనాల ఖజానా తాటి మొలకలు, రాజన్న సిరిసిల్ల మార్కెట్‌లో సందడి చేస్తున్న రుచికరమైన గేగులు ఎన్ ఎం ఎం ఎస్ పరీక్ష వాయిదా. ఎన్‌సీసీ ఆధ్వర్యంలో మెగా రక్తదాన శిబిరం.. 100 యూనిట్ల రక్తం సేకరణ గ్రామీణ సహకార విశ్లేషణ సదస్సు నిర్వహించిన కే ఎల్ టి హెచ్ యూనివర్సిటీ విధులు పక్కనపెట్టి పోలీసుల చిందులు.. 14 మందిపై చర్యలు! అక్వాన్ తుపానుపై రైతులు జాగ్రత్తగా పాటించాలి 24న పుల్లూరుబండపై సామూహిక సత్యనారాయణ వ్రతాలు

రెండో విడత గ్రామ పంచాయతీ ఎన్నికల నామినేషన్లకు పటిష్ట పోలీసు భద్రత..

Select Suryaa Now
రెండో విడత గ్రామ పంచాయతీ ఎన్నికల నామినేషన్లకు పటిష్ట పోలీసు భద్రత..

 

- నేటి నుంచి 20వ తేదీ వరకు నామినేషన్ల స్వీకరణ..
-  29న పోలింగ్, అదే రోజు ఓట్ల లెక్కింపు.
- ఎన్నికల ప్రవర్తనా నియమావళిని ప్రతి ఒక్కరూ తప్పనిసరిగా పాటించాలి.

శ్రీకాకుళం, నవంబర్ 17 మేజర్ న్యూస్: జిల్లాలో రెండో విడత గ్రామ పంచాయతీ ఎన్నికల నామినేషన్ల ప్రక్రియకు పటిష్ట పోలీసు భద్రతా ఏర్పాట్లు చేపట్టినట్లు జిల్లా ఎస్పీ కె.వి. మహేశ్వర రెడ్డి, ఐపీఎస్ తెలిపారు. మొదటి విడత నామినేషన్ల ప్రక్రియ ప్రశాంతంగా ముగిసిన నేపథ్యంలో రెండో విడత ఎన్నికలను కూడా ప్రశాంత వాతావరణంలో నిర్వహించేందుకు పోలీసు శాఖ ముందస్తు చర్యలు చేపట్టిందని వెల్లడించారు.

రెండో విడత ఎన్నికలకు సంబంధించి నవంబర్ 18 నుంచి 20వ తేదీ వరకు నామినేషన్ల స్వీకరణ జరుగుతుందని, నవంబర్ 29న పోలింగ్ నిర్వహించి అదే రోజు ఓట్ల లెక్కింపు చేపట్టనున్నట్లు తెలిపారు. ఈ విడతలో జిల్లాలోని 13 మండలాల్లో ఎన్నికలు నిర్వహించనున్నట్లు పేర్కొన్నారు.

13 మండలాల్లో ఎన్నికల నిర్వహణ

ఎచ్చెర్ల, జి.సిగడాం, లావేరు, రణస్థలం, ఆమదాలవలస, బూర్జ, పొందూరు, సరుబుజ్జిలి, ఎల్.ఎన్.పేట, కొత్తూరు, హిరమండలం, మెళియాపుట్టి, పాతపట్నం మండలాల్లో ఎన్నికల నేపథ్యంలో ఎలాంటి అవాంఛనీయ సంఘటనలు చోటుచేసుకోకుండా పోలీసు అధికారులు ముందస్తు జాగ్రత్తలు తీసుకోవాలని ఎస్పీ ఆదేశించారు.

నామినేషన్ కేంద్రాల వద్ద పటిష్ట బందోబస్తు ఏర్పాటు చేయాలని, అభ్యర్థులు, వారి అనుచరులు ఎన్నికల నిబంధనలకు విరుద్ధంగా గుమిగూడకుండా చర్యలు చేపట్టాలని సూచించారు. నామినేషన్ కేంద్రాల పరిధిలో 100, 200 మీటర్ల మేర అమలులో ఉన్న ఎన్నికల నిబంధనలను కచ్చితంగా అమలు చేయాలని స్పష్టం చేశారు.

సమస్యాత్మక గ్రామాలపై ప్రత్యేక నిఘా

సమస్యాత్మక, అత్యంత సమస్యాత్మక గ్రామాలను ముందుగానే గుర్తించి ఆయా ప్రాంతాల్లో డ్రోన్, సీసీ కెమెరాల ద్వారా ప్రత్యేక నిఘా ఏర్పాటు చేయాలని ఆదేశించారు. శాంతిభద్రతలకు విఘాతం కలిగించే అవకాశం ఉన్న వ్యక్తుల కదలికలపై నిరంతర నిఘా ఉంచాలని, గ్రామాల్లో మొబైల్ పెట్రోలింగ్ నిర్వహిస్తూ ప్రజల్లో భద్రతా భావం కల్పించాలని సూచించారు.

నామినేషన్ కేంద్రాలను నిరంతరం పర్యవేక్షించాలి

పోలీసు అధికారులు తమ పరిధిలోని నామినేషన్ కేంద్రాలను నిరంతరం పర్యవేక్షించాలని, ఎక్కడైనా సమస్య తలెత్తిన వెంటనే ఉన్నతాధికారుల దృష్టికి తీసుకెళ్లాలని ఎస్పీ ఆదేశించారు. ఎన్నికల ప్రవర్తనా నియమావళిని ప్రతి ఒక్కరూ తప్పనిసరిగా పాటించాలని, శాంతిభద్రతలకు విఘాతం కలిగించే చర్యలకు పాల్పడితే చట్టప్రకారం కఠిన చర్యలు తీసుకుంటామని హెచ్చరించారు.

నామినేషన్ల ప్రక్రియ నుంచి పోలింగ్, ఓట్ల లెక్కింపు వరకు ప్రతి దశలోనూ పటిష్ట భద్రత కల్పిస్తామని, అభ్యర్థులు ఎలాంటి భయాందోళనలు లేకుండా స్వేచ్ఛగా నామినేషన్లు దాఖలు చేసుకునేలా చర్యలు తీసుకుంటున్నామని ఎస్పీ తెలిపారు. ప్రజలు తమ ఓటు హక్కును స్వేచ్ఛగా వినియోగించుకునేలా జిల్లా పోలీసు శాఖ అన్ని ఏర్పాట్లు చేస్తోందని స్పష్టం చేశారు.