కూటమి అభివృద్ధికి పట్టం కట్టండి
-17వ వార్డులో కూన ప్రమీల ప్రచారం
ఆమదాలవలస, నవంబర్ 17, మేజర్ న్యూస్
కూటమి చేసిన అభివృద్ధిని చూసి ప్రజలు తమ మద్దతును అందించాలని టిడిపి చైర్ పర్సన్ అభ్యర్థి కూన ప్రమీల తెలిపారు. ఆమదాలవలస మున్సిపాలిటీ 17వ వార్డులో మంగళవారం ఎన్నికల ప్రచారాన్ని నిర్వహించారు. ఈ సందర్భంగా ఓటర్లను కలిసి సైకిల్ గుర్తుకు ఓటు వేసి అత్యధిక మెజార్టీతో గెలిపించాలని అభ్యర్థించారు. 28 వార్డుల్లో కూటమి తరపున పోటీ చేస్తున్న కౌన్సిలర్ అభ్యర్థులను గెలిపించాలని కోరారు. పట్టణ అభివృద్ధి, ప్రజా సంక్షేమానికి సంబంధించిన అంశాలను ప్రజలతో చర్చించారు. రానున్న మున్సిపల్ ఎన్నికల్లో ప్రజల మద్దతు కోరుతూ ప్రచారం కొనసాగించారు. ఆమదాలవలస పట్టణం మరింతగా అభివృద్ధి చెందాలంటే కూటమికి మరోసారి అవకాశం కల్పించాలని కోరారు. ఆముదాలవలసను అభివృద్ధి పథంలో నడిపించేందుకు ఇంటి ఆడపడుచుగా ఎన్నికల్లో పోటీ చేయడం జరుగుతుందని, ప్రతి ఒక్కరూ ఆశీర్వదించాలని కోరారు. ఈ ప్రచారంలో బార్ అసోసియేషన్ అధ్యక్షురాలు కనితి విజయలక్ష్మి భాయ్, రెడ్డి గౌరీ, గుడ్ల రాజ్యలక్ష్మి, తదితరులు పాల్గొన్నారు.