రాయదుర్గం పట్టణంలో 17వ వార్డులో కూటమి అభ్యర్థుల విస్తృత ప్రచారం*

రాయదుర్గం టౌన్ (రాయదుర్గం టౌన్, మేజర్ న్యూస్) : రాయదుర్గం పురపాలక సంఘం ఎన్నికల ప్రచారంలో భాగంగా 17వ వార్డులో కూటమి నేతలు విస్తృతస్థాయిలో ప్రచారం నిర్వహించారు,కూటమి చైర్మన్ అభ్యర్థి టంకశాల హనుమంతుతో కలిసి 17వ వార్డు కౌన్సిలర్ అభ్యర్థి మోపూరి అశోక్ ఇంటింటా తిరిగి ఓట్లు అభ్యర్థించారు,ఈ సందర్భంగా వారు మాట్లాడుతూ... రాయదుర్గం అభివృద్ధి కూటమితోనే సాధ్యమని, గత వైసీపీ పాలనలో పట్టణం అభివృద్ధికి నోచుకోలేదని, ఇప్పుడు కూటమి ప్రభుత్వం వచ్చాకే అభివృద్ధి పనులు వేగంగా జరుగుతున్నాయని తెలిపారు. 17వ వార్డులో నెలకొన్న సమస్యలను పరిష్కరించి, వార్డును ఆదర్శ వార్డుగా తీర్చిదిద్దుతామని హామీ ఇచ్చారు. చైర్మన్ అభ్యర్థిగా టంకశాల హనుమంతును, వార్డు అభ్యర్థిగా మోపూరి అశోక్ ను అత్యధిక మెజారిటీతో గెలిపించాలని కోరారు,ఈ కార్యక్రమంలో పట్టణ అధ్యక్షుడు బండి కృష్ణమూర్తి, బంగి శంకర్, ధనుంజయ, కూటమి నాయకులు, కార్యకర్తలు, వార్డు ప్రజలు పెద్ద ఎత్తున పాల్గొన్నారు.

రిపోర్టర్ : మహేష్, రాయదుర్గం టౌన్, రాయదుర్గం.