రాజాం మండలంలో 70.43 శాతం పోలింగ్ నమోదు

రాజాం, సూర్య : రాజాం మండలంలో నిర్వహించిన స్థానిక సంస్థల ఎన్నికల పోలింగ్ ప్రశాంత వాతావరణంలో ముగిసింది. మండల పరిధిలో మొత్తం 45,922 మంది ఓటర్లు ఉండగా, వారిలో 16,501 మంది మహిళలు, 15,844 మంది పురుషులు తమ ఓటు హక్కును వినియోగించుకున్నారు. మొత్తం 32,345 మంది ఓటర్లు ఓటు వేయడంతో 70.43 శాతం పోలింగ్ నమోదైనట్లు రిటర్నింగ్ అధికారి సోమశేఖరరావు తెలిపారు.ఎన్నికల ప్రక్రియలో ఎలాంటి అవాంఛనీయ సంఘటనలు చోటుచేసుకోకుండా పోలింగ్ ప్రశాంతంగా సాగిందని, ఎన్నికల నిర్వహణకు అవసరమైన ఏర్పాట్లు పటిష్టంగా చేపట్టినట్లు ఆయన వెల్లడించారు. ప్రజలు స్వేచ్ఛగా తమ ఓటు హక్కును వినియోగించుకోవడంతో పోలింగ్ ప్రక్రియ విజయవంతంగా ముగిసింది.