పోలింగ్ కేంద్రాలను తనిఖీ చేసిన సాధారణ పరిశీలకులు తేజ్ భరత్...

విజయనగరం, సూర్య : ​జిల్లా స్థానిక సంస్థల ఎన్నికల సాధారణ పరిశీలకులు తేజ్ భరత్ గురువారం జిల్లాలో విస్తృతంగా పర్యటించారు. జెడ్పీటీసీ, ఎంపీటీసీ ఎన్నికలు జరుగుతున్న రాజాం, రేగిడి ఆమదాలవలస, సంతకవిటి మండలాల్లోని పలు పోలింగ్ కేంద్రాలను ఆయన సందర్శించారు. ఈ సందర్భంగా ఓటింగ్ సరళిని గమనించడంతో పాటు పోలింగ్ కేంద్రాల వద్ద ఓటర్లకు కల్పించిన సౌకర్యాలు, భద్రతా ఏర్పాట్లను క్షేత్రస్థాయిలో తనిఖీ చేశారు. పోలింగ్ ప్రక్రియను పారదర్శకంగా, ప్రశాంత వాతావరణంలో నిర్వహించాలని స్థానిక అధికారులను ఆదేశించారు.
అనంతరం, రాజాం నియోజకవర్గానికి సంబంధించి జీఎంఆర్ కళాశాలలో ఏర్పాటు చేసిన స్ట్రాంగ్ రూమ్‌లతో పాటు కౌంటింగ్ సెంటర్‌ను ఆయన పరిశీలించారు. పోలింగ్ పూర్తయిన తర్వాత బ్యాలెట్ బాక్సులను భద్రపరిచేందుకు చేపట్టిన రక్షణ చర్యలు, కౌంటింగ్ రోజున చేపట్టాల్సిన ఏర్పాట్లపై అక్కడి అధికారులతో సమీక్షించి, పలు సూచనలు చేశారు.