పృథ్విరెడ్డికి మంత్రి సత్యకుమార్ ఆశీర్వాదం
ఎడ్యుకేషన్ స్టాఫ్ రిపోర్టర్ : ఇటివల జరిగిన తిరుపతి నగరపాలక సంస్థ ఎన్నికలలో కార్పొరేటర్ గా ఘన విజయం సాధించిన యువ నాయకుడు పృథ్విరెడ్డిని రాష్ట్ర వైద్య, ఆరోగ్య శాఖ మంత్రి సత్యకుమార్ యాదవ్ అభినందించారు. మంగళవారం విజయవాడలోని మంత్రి నివాసంలో పృథ్విరెడ్డి మర్యాదపూర్వకంగా కలిసిన సందర్భంగా మంత్రి ఆయనను శాలువాతో ఘనంగా సత్కరించారు.
పృథ్విరెడ్డి విజయంపై మంత్రి హర్షం…
తిరుపతి కార్పొరేషన్ ఎన్నికల్లో పృథ్విరెడ్డి సాధించిన అఖండ విజయం పట్ల మంత్రి హర్షం వ్యక్తం చేశారు. హృదయపూర్వక అభినందనలు తెలియజేస్తూ భవిష్యత్తులో మరిన్ని ఉన్నత శిఖరాలను అధిరోహించాలని ఆకాంక్షించారు. ఈ సందర్భంగా మంత్రి సత్యకుమార్ యాదవ్ మాట్లాడుతూ ప్రస్తుత రాజకీయాల్లో యువ నాయకత్వం ఎంతో అవసరమన్నారు. యువత పెద్ద ఎత్తున రాజకీయాల్లోకి వచ్చి దేశ నిర్మాణంలో, రాష్ట్ర అభివృద్ధిలో చురుకైన పాత్ర పోషించాలని పిలుపునిచ్చారు. పృథ్విరెడ్డి లాంటి యువ నాయకులు పార్టీకి, సమాజానికి బలమని కొనియాడారు. తన విజయం పట్ల మంత్రి ఆశీర్వాదం లభించడం గర్వకారణమని పృథ్విరెడ్డి పేర్కొన్నారు. మంత్రిని కలిసిన వారిలో ఓం ప్రకాష్ ఉన్నారు.
సీఎం గౌడ్ తిరుపతి స్టాప్ రిపోర్టర్