ప్రొద్దుటూరు మున్సిపల్ ఆస్తులకు రక్షణ కల్పిస్తూ పట్టణ సుందరీకరణకు చర్యలు చేపట్టండి,కడప జిల్లా జాయింట్ కలెక్టర్ నిధి మీనా

ప్రొద్దుటూరు మేజర్ న్యూస్ : పట్టణంలోని మున్సిపల్ ఆస్తులకు రక్షణ కల్పిస్తూ, పట్టణ సుందరీకరణకు తగిన చర్యలు చేపట్టాలని జాయింట్ కలెక్టర్ & మున్సిపాలిటీ ప్రత్యేక అధికారి శ్రీమతి నిధి మీనా మున్సిపల్ అధికారులను ఆదేశించారు. ఈ సందర్భంగా బుధవారం స్థానిక శివాలయం సర్కిల్‌లోని మున్సిపల్ స్థలాన్ని ఆమె కమీషనర్ తూతిక శ్రీనివాస విశ్వనాధ్ తో కలిసి పరిశీలించారు. స్థలాన్ని పరిశుభ్రంగా ఉంచడంతో పాటు, మొక్కలు నాటి పచ్చదనంతో సుందరీకరించేలా చర్యలు చేపట్టాలని సూచించారు. అలాగే మున్సిపల్ స్థలాలకు హద్దులు గుర్తించి, ఆక్రమణలకు తావులేకుండా నిరంతరం పర్యవేక్షించాలని టౌన్ ప్లానింగ్ అధికారులను ఆదేశించారు. మున్సిపల్ ఆస్తులను పరిరక్షిస్తూ ప్రజలకు ఆహ్లాదకరమైన వాతావరణం కల్పించేందుకు చర్యలు చేపట్టాలని జాయింట్ కలెక్టర్ సూచిస్తూ ఈ విషయంలో డిటైల్డ్ ప్రాజెక్ట్ రిపోర్ట్ తయారు చేయమని డిప్యూటీ ఎగ్జిక్యూటివ్ ఇంజనీర్ రాజేష్ ను జాయింట్ కలెక్టర్ నిధి మీనా ఆదేశించారు