andhrapradesh
ప్రశాంతంగా చీరాల, వేటపాలెంలో ముగిసిన పోలింగ్
ప్రశాంతంగా చీరాల, వేటపాలెంలో ముగిసిన పోలింగ్
* ఉదయం మందకొడిగా మధ్యాహ్నం తర్వాత పుంజుకున్న ఓటింగ్
* చివరి గంటలో బారులు తీరిన ఓటర్లు
* పోలింగ్ కేంద్రాలను పరిశీలించిన ఎమ్మెల్యే కొండయ్య
*
- చీరాల: చీరాల, వేటపాలెం మండలాల్లో జడ్పీటీసీ, ఎంపీటీసీ ఎన్నికల పోలింగ్ గురువారం ముగిసింది. ఉదయం ప్రారంభమైన పోలింగ్ ప్రక్రియ తొలుత మందకొడిగా సాగినప్పటికీ, మధ్యాహ్నం తర్వాత ఊపందుకుంది. సాయంత్రం 5 గంటలకు పోలింగ్ సమయం ముగిసే వేళకు ఓటర్లు పెద్ద సంఖ్యలో పోలింగ్ కేంద్రాలకు చేరుకుని క్యూలైన్లలో బారులు తీరారు.చీరాల ఎమ్మెల్యే ఎం.ఎం. కొండయ్య నియోజకవర్గంలోని పలు పోలింగ్ కేంద్రాలను సందర్శించి ఎన్నికల సరళిని పరిశీలించారు. పోలింగ్ ప్రశాంతంగా ముగిసిందని పేర్కొన్నారు. జడ్పీటీసీ, ఎంపీటీసీ ఎన్నికల్లో కూటమి అభ్యర్థులు విజయం సాధిస్తారనే ధీమాను ఎమ్మెల్యే వ్యక్తం చేశారు.
