పాలకొండ డిగ్రీ కళాశాలలో రిసెప్షన్ మరియు స్ట్రాంగ్ రూమ్ కేంద్రం తనిఖీ

పాలకొండ, సూర్య :  పాలకొండ డిగ్రీ కళాశాలలో ఏర్పాటు చేసిన ఎన్నికల రిసెప్షన్ మరియు స్ట్రాంగ్ రూమ్ కేంద్రాన్ని సబ్ కలెక్టర్ స్వప్నిల్ పవార్ జగన్నాద్ ,  పాలకొండ, వీరఘట్టం ఎంపీడీఓలు మరియు పాలకొండ తహశీల్దార్‌ రాద కృష్ణ మూర్తి తో కలిసి తనిఖీ చేశారు. ఈ సందర్భంగా ఎన్నికల విధులు ముగించుకుని వచ్చే సిబ్బంది నుండి ఎన్నికల సామగ్రి స్వీకరణకు చేపట్టిన ఏర్పాట్లను, స్ట్రాంగ్ రూమ్‌లో భద్రతా ఏర్పాట్లను మరియు ఇతర మౌలిక సదుపాయాలను క్షుణ్ణంగా పరిశీలించారు. ఎన్నికల సామగ్రి స్వీకరణ ప్రక్రియ సజావుగా నిర్వహించేలా, స్ట్రాంగ్ రూమ్ వద్ద పటిష్టమైన భద్రతా చర్యలు చేపట్టాలని, అవసరమైన అన్ని ఏర్పాట్లను ముందుగానే పూర్తి చేయాలని సంబంధిత అధికారులకు పలు సూచనలు జారీ చేశారు.