పోస్ట్ ఆఫీస్ ద్వారా భక్తులకు దసరా ప్రసాదం. పోస్టల్ ఇన్స్పెక్టర్

దసరా పండుగ సందర్భంగా భక్తులు అమ్మవారి ప్రసాదం కోసం ఎక్కడికక్కడ సుదూర ప్రాంతాలకు వెళ్లాల్సిన అవసరం లేకుండా, తమ దగ్గరలోని పోస్ట్ ఆఫీసుల ద్వారానే పొందే సదవకాశాన్ని పోస్టల్ శాఖ కల్పించిందని అద్దంకి పోస్టల్ ఇన్స్పెక్టర్ అశోక్ కుమార్ తెలిపారు. కేవలం 116 రూపాయలు చెల్లించి భక్తులు ఈ ప్రసాదం బాక్స్‌ను స్థానిక పోస్ట్ ఆఫీసుల ద్వారా పొందవచ్చని ఆయన పేర్కొన్నారు. ఈ బాక్స్‌లో అమ్మవారి లాకెట్, దారం, అమ్మవారి బుక్, కుంకుమ అక్షతలు మరియు ప్రసాదం అనే ఐదు రకాల వస్తువులు లభిస్తాయని తెలిపారు. దూర ప్రాంతాల నుంచి ప్రసాదం కోసం వెళ్లలేని భక్తులు ఈనెల 11 నుంచి తమ సమీపంలో పోస్ట్ ఆఫీస్ కల్పించే ఈ అవకాశాన్ని సద్వినియోగం చేసుకోవాలని అశోక్ కుమార్ కోరారు.