పూలు పండ్లు అమ్మే వ్యాపారస్తుల వద్దకు వెళ్లి ఓటును అభ్యర్థించిన మున్సిపల్ చైర్ పర్సన్ అభ్యర్థి బుట్నా లక్ష్మి.

కళ్యాణదుర్గం: మున్సిపల్ ఎన్నికల ప్రచారంలో భాగంగా కళ్యాణదుర్గం మున్సిపాలిటీ తెలుగుదేశం పార్టీ చైర్‌పర్సన్ అభ్యర్థి బుట్నా లక్ష్మి పట్టణంలో విస్తృతంగా ప్రచారం నిర్వహిస్తున్నారు. ఇందులో భాగంగా పూలు, పండ్లు విక్రయిస్తూ జీవనోపాధి పొందుతున్న చిరు వ్యాపారులను ప్రత్యేకంగా కలిసి తనకు మద్దతుగా ఓటు వేయాలని అభ్యర్థించారు. వ్యాపారులతో ఆప్యాయంగా మాట్లాడి వారి సమస్యలను అడిగి తెలుసుకున్నారు. రోజువారీ వ్యాపారాల ద్వారా కుటుంబాలను పోషించుకుంటున్న చిరు వ్యాపారుల కష్టాలను తెలుసుకునే ప్రయత్నం చేశారు. మున్సిపల్ ఎన్నికల్లో తనకు అవకాశం కల్పించి గెలిపిస్తే ప్రజలకు అందుబాటులో ఉంటూ పట్టణ అభివృద్ధికి కృషి చేస్తానని ఓటర్లకు విజ్ఞప్తి చేశారు. ముఖ్యంగా చిరు వ్యాపారులు, సామాన్య ప్రజలు ఎదుర్కొంటున్న సమస్యలను గుర్తించి వాటి పరిష్కారానికి కృషి చేయాల్సిన అవసరం ఉందని పేర్కొన్నారు. పట్టణంలో మౌలిక సదుపాయాల కల్పన, పరిశుభ్రత, ప్రజా సమస్యల పరిష్కారానికి ప్రాధాన్యం ఇవ్వాలని కోరారు. ప్రజాస్వామ్యంలో ఓటు ఎంతో విలువైనదని, ప్రతి ఒక్కరూ తమ ఓటు హక్కును వినియోగించుకోవాలని ఆమె సూచించారు. రానున్న మున్సిపల్ ఎన్నికల్లో తెలుగుదేశం పార్టీకి మద్దతు తెలిపి తనను చైర్‌పర్సన్‌గా గెలిపించాలని బుట్నా లక్ష్మి విజ్ఞప్తి చేశారు. ఈ ప్రచార కార్యక్రమంలో టీడీపీ నాయకులు, కార్యకర్తలు పాల్గొని అభ్యర్థికి మద్దతుగా ఓటర్లను కలిశారు.

కళ్యాణదుర్గం టౌన్ రిపోర్టర్ :- బోయ రంగస్వామి.