పొన్నూరులో టీవీఎస్ పీయోనీర్ బైక్ షోరూమ్ ను ప్రారంభించిన.......... ఎమ్మెల్యే ధూళిపాళ్ల

పొన్నూరు పట్టణంలో నూతనంగా ఏర్పాటు చేసిన టీవీఎస్ పీయోనీర్ బైక్ షోరూంను పొన్నూరు నియోజకవర్గ శాసనసభ్యులు, సంగం డెయిరీ చైర్మన్ ధూళిపాళ్ల నరేంద్ర కుమార్ ప్రారంభించారు.పట్టణానికి చెందిన చుక్కపల్లి రాకేష్ ఈ నూతన షోరూంను ఏర్పాటు చేశారు. ప్రారంభోత్సవ కార్యక్రమానికి ముఖ్య అతిథిగా విచ్చేసిన ఎమ్మెల్యే ధూళిపాళ్ల నరేంద్ర కుమార్ రిబ్బన్ కట్ చేసి షోరూంను ప్రారంభించారు. అనంతరం షోరూంలో అందుబాటులో ఉన్న నూతన బైక్ మోడల్స్ ను పరిశీలించారు.ఈ సందర్భంగా ఎమ్మెల్యే ధూళిపాళ్ల నరేంద్ర కుమార్ మాట్లాడుతూ, షోరూం నిర్వాహకులు చుక్కపల్లి రాకేష్ కు శుభాకాంక్షలు తెలిపారు. ఇలాంటి నూతన వ్యాపార సంస్థల ఏర్పాటు వల్ల స్థానికంగా వ్యాపార కార్యకలాపాలు విస్తరించడమే కాకుండా పట్టణ అభివృద్ధికి, ఆర్థిక పురోగతికి దోహదపడుతుందని ఆకాంక్షించారు.ఈ కార్యక్రమంలో తెలుగుదేశం పార్టీ నాయకులు, కార్యకర్తలు, స్థానిక ప్రముఖులు, మిత్రులు, శ్రేయోభిలాషులు పెద్ద సంఖ్యలో పాల్గొన్నారు.

 పొన్నూరు నేటి దినపత్రిక సూర్య రిపోర్టర్ :- శిలార్