పొన్నూరు ఎస్‌బీఐ లో ఒక్క కౌంటరే దిక్కు, గంటల తరబడి క్యూలో వినియోగదారులు
పొన్నూరు మేజర్ న్యూస్:-పొన్నూరు పట్టణం లోని ఎస్‌బీఐ బ్యాంకు నందు నగదు లావాదేవీల కోసం ఒక్క కౌంటర్ మాత్రమే ఉండటంతో వినియోగదారులు తీవ్ర ఇబ్బందులు ఎదుర్కొంటున్నారు. నగదు జమ చేయడానికి, తీసుకోవడానికి వచ్చే వారంతా ఒకే క్యూలో గంటల తరబడి నిలబడాల్సిన పరిస్థితి నెలకొంది.ఉదయం వచ్చిన వారికి మధ్యాహ్నం వరకు పని పూర్తి కావడం లేదని వినియోగదారులు వాపోతున్నారు. రద్దీ ఎక్కువగా ఉన్న రోజుల్లో ఈ ఇబ్బంది మరింత పెరుగుతోంది. ముఖ్యంగా పెన్షన్ తీసుకోవడానికి వచ్చే వృద్ధులు అష్టకష్టాలు పడుతున్నారు. వయసు మీద పడిన వారు , క్యూలో ఎక్కువ సేపు నిలబడలేక అవస్థలు పడుతున్నారు. వారికి కనీసం కూర్చునే సదుపాయం కూడా సరిగా లేకపోవడంతో ఇబ్బంది మరింత పెరుగుతోందని వృద్దులు చెబుతున్నారు.దీనిపై ఉన్నతాధికారులు తక్షణమే చర్యలు తీసుకోవాలని వినియోగదారులు కోరుతున్నారు. నగదు లావాదేవీల కోసం మరో కౌంటర్ ఏర్పాటు చేయాలని, వృద్ధులు, పెన్షనర్ల కోసం రెండవ కౌంటర్ ను ఏర్పాటు చేయవలసిందిగా కోరుతున్నారు.
