పోలీసుల కార్డన్ సెర్చ్ - 20 ద్విచక్ర వాహనాల స్వాధీనం
అనుమానితులకు డ్రగ్స్ రాపిడ్ టెస్టులు
దొనకొండ మేజర్ న్యూస్ :--- దొనకొండ పట్టణంలో పోలీసులు మాదకద్రవ్యాల నియంత్రణ నేరాల నివారణ లక్ష్యంగా విస్తృత తనిఖీలు నిర్వహించారు. ఎస్‌ఐ ఎల్. రామకృష్ణ ఆధ్వర్యంలో వీవీపురం కాలనీలో నిర్వహించిన కార్డన్ అండ్ సెర్చ్‌లో సరైన పత్రాలు లేని 20 ద్విచక్ర వాహనాలను స్వాధీనం చేసుకున్నారు. వాహన యజమానులు అవసరమైన ధ్రువపత్రాలు సమర్పించిన తర్వాత వాటిని అప్పగిస్తామని పోలీసులు తెలిపారు. అనంతరం
స్థానిక బస్టాండ్ సెంటర్లో అనుమానిత వ్యక్తులకు డ్రగ్స్ రాపిడ్ టెస్టులు నిర్వహించారు. గంజాయి, ఇతర మాదకద్రవ్యాల వినియోగం విక్రయం రవాణాపై ప్రత్యేక నిఘా కొనసాగిస్తున్నట్లు పోలీసులు పేర్కొన్నారు. మాదకద్రవ్యాలకు సంబంధించిన సమాచారం ఉంటే వెంటనే పోలీసులకు తెలియజేయాలని ఎస్‌ఐ రామకృష్ణ ప్రజలకు సూచించారు. దొనకొండ మండలాన్ని మాదకద్రవ్య రహిత ప్రాంతంగా తీర్చిదిద్దేందుకు ఆకస్మిక తనిఖీలు కొనసాగుతాయని హెచ్చరించారు.
