పెడన మున్సిపాలిటీలో నామినేషన్లన్నీ చెల్లుబాటు

పెడన మున్సిపాలిటీలో నామినేషన్లన్నీ చెల్లుబాటు

పెడన, మేజర్ న్యూస్ : 
మున్సిపాలిటీలో వార్డు సభ్యులు, చైర్‌పర్సన్ స్థానాలకు దాఖలైన నామినేషన్ల పరిశీలన సోమవారం  పూర్తయింది. పరిశీలనలో ఒక్క నామినేషన్ కూడా తిరస్కరణకు గురికాలేదని, దాఖలైన నామినేషన్లన్నీ చెల్లుబాటు అయినట్లు అధికారులు తెలిపారు.ఈ మేరకు చైర్‌పర్సన్ స్థానానికి మొత్తం 5 నామినేషన్లు దాఖలు కాగా, పరిశీలన అనంతరం ఐదూ చెల్లుబాటయ్యాయి. వీటిలో వైఎస్సార్ కాంగ్రెస్ పార్టీ తరఫున 2, జనసేన పార్టీ తరఫున 2, ఒక నామినేషన్ స్వతంత్ర అభ్యర్థి తరఫున దాఖలయ్యాయి.అదేవిధంగా, పెడన మున్సిపాలిటీలోని 28 వార్డు సభ్యుల స్థానాలకు మొత్తం 120 నామినేషన్లు దాఖలయ్యాయి. పరిశీలనలో అన్ని నామినేషన్లూ చెల్లుబాటయ్యాయి. పార్టీల వారీగా వైఎస్సార్ కాంగ్రెస్ పార్టీ నుంచి 56, తెలుగుదేశం పార్టీ నుంచి 44, జనసేన పార్టీ నుంచి 11, భారతీయ జనతా పార్టీ నుంచి 5, సీపీఎం నుంచి 1, స్వతంత్ర అభ్యర్థులుగా 3 నామినేషన్లు దాఖలయ్యాయిఅని అధికారులు తెలిపారు.