చెడుపై మంచి సాధించిన విజయానికి ప్రతీక విజయదశమి…

 ఎమ్మెల్సీ నాగర్ కుంట నవీన్ రెడ్డి…

ఉమ్మడి పాలమూరు జిల్లా మరియు షాద్ నగర్ నియోజకవర్గ  ప్రజలకు విజయదశమి శుభాకాంక్షలు తెేలిపిన ఎమ్మెల్సీ …

చెడుపై మంచి సాధించిన విజయానికి ప్రతీకగా జరుపుకునే విజయదశమి (దసరా) పండగను ప్రజలందరూ ఆనందోత్సాహాల మధ్య, భక్తిశ్రద్ధలతో జరుపుకోవాలని ఉమ్మడి మహబూబ్‌నగర్  జిల్లా  ఎమ్మెల్సీ నాగరకుంట నవీన్  రెడ్డి ఆకాంక్షించారు.దసరా పండుగను పురస్కరించుకుని ఆయన షాద్‌నగర్ నియోజకవర్గ ప్రజలకు,అలాగే ఉమ్మడి పాలమూరు జిల్లా ప్రజలందరికీ హృదయపూర్వక విజయదశమి శుభాకాంక్షలు తెలియజేశారు.

ఈ సందర్భంగా ఆయన మాట్లాడుతూ... లక్ష్మీ, సరస్వతి,దుర్గా స్వరూపిణి అయిన ఆ జగన్మాత ఆశీస్సులు నియోజకవర్గ ప్రజలపై ఎల్లప్పుడూ ఉండాలని కోరుకున్నారు. ప్రజల జీవితాల్లో కష్టాలన్నీ తొలిగిపోయి, ప్రతి ఇల్లూ సుఖసంతోషాలు, అష్టైశ్వర్యాలు, ఆయురారోగ్యాలతో వర్ధిల్లాలని ఆకాంక్షించారు.చెడు ఆలోచనలను,అధర్మాన్ని వీడి, ధర్మ మార్గంలో ప్రయాణించడమే ఈ పండుగ ఇచ్చే గొప్ప సందేశమని ఆయన పేర్కొన్నారు.ప్రజలు తలపెట్టే ప్రతి సత్కార్యం దిగ్విజయంగా పూర్తి కావాలని,నియోజకవర్గం పాడిపంటలతో సుభిక్షంగా ఉండాలని ఆ దుర్గమ్మ తల్లిని ప్రార్థించినట్లు ఎమ్మెల్సీ నవీన్ రెడ్డి తెలిపారు.

నరసింహారెడ్డి మేజర్ న్యూస్….