పౌష్టికాహారంతోనే సంపూర్ణ ఆరోగ్యం - మండల స్పెషల్ ఆఫీసర్

పౌష్టికాహారంతోనే సంపూర్ణ ఆరోగ్యం.

సూర్య అద్దంకి. 

చిన్న కొత్తపల్లి అంగన్వాడి కేంద్రంలో పోషణ మాసం వేడుకలను నిర్వహించారు. ఈ కార్యక్రమానికి హాజరైన మండల స్పెషల్ ఆఫీసర్ రవికుమార్ అంగన్వాడి కేంద్రంలో ఏర్పాటు చేసిన పౌష్టికాహార ప్రదర్శనను పరిశీలించి, అక్కడ ఉన్న పిల్లలు, తల్లులు మరియు బాలింతలను ఉద్దేశించి మాట్లాడారు. చిన్నారులకు పోషకాలు సమాపాళ్లలో ఉండే పౌష్టికాహారాన్ని అందించాలని సూచించారు. ఏ ఆహారం కూడా మోతాదుకు మించి ఎక్కువగా గానీ, తక్కువగా గానీ తినకూడదని, అన్నీ సమానంగా ఉండాలని తెలిపారు. తక్కువ ఖర్చుతో లభించే చిరుధాన్యాలు మరియు పోషకాహారంతోనే ఆరోగ్యం లభిస్తుందన్నారు. కార్యక్రమంలో ఎంపీడీవో వరూధిని, డిప్యూటీ ఎంపీడీవో మస్తాన్ శ్రీధర్, అంగన్వాడీ సూపర్వైజర్ ప్రమీల, తదితరులు ఉన్నారు.