పల్లె పండుగ 3.0తో గ్రామాలకు మహర్దశ రూ.44 లక్షలతో నాలుగు గ్రామాల్లో సీసీ రోడ్లకు భూమిపూజ

పల్లె పండుగ 3.0తో గ్రామాలకు మహర్దశ

రూ.44 లక్షలతో నాలుగు గ్రామాల్లో సీసీ రోడ్లకు భూమిపూజ

రాప్తాడు మేజర్ న్యూస్:

పల్లె పండుగ 3.0తో గ్రామాల్లో అభివృద్ధి పనులకు ఊపందుకుంది. రాప్తాడు మండలంలోని పాలబావి6 లక్షలు , చాపట్ల5లక్షలు , గొల్లపల్లి15లక్షలు , హంపాపురం 18లక్షలు  నాలుగు గ్రామాల్లో రూ.44 లక్షల అంచనా వ్యయంతో చేపట్టనున్న సీసీ రహదారి నిర్మాణ పనులకు బుధవారం భూమిపూజ నిర్వహించారు.టీడీపీ నాయకుల ఆధ్వర్యంలో జరిగిన కార్యక్రమాల్లో మండల కన్వీనర్ పంపుకొండప్ప , ప్రధాన కార్యదర్శి దగ్గుపాటి శ్రీనివాసులు మాట్లాడుతూ ఎమ్మెల్యే పరిటాల సునీత చొరవతో గ్రామాల్లో సీసీ రహదారుల నిర్మాణానికి నిధులు మంజూరయ్యాయని తెలిపారు. మండల టీడీపీ ఇన్‌చార్జి ధర్మవరపు మురళి ఆధ్వర్యంలో అభివృద్ధి కార్యక్రమాలు వేగంగా కొనసాగుతున్నాయని పేర్కొన్నారు. పార్టీలకు అతీతంగా గ్రామాల అభివృద్ధికి కృషి చేస్తున్నామని తెలిపారు.

రోడ్ల నిర్మాణంతో గ్రామాల్లో రాకపోకలు మరింత సులభతరం కానున్నాయని గ్రామస్తులు పేర్కొంటూ ఎమ్మెల్యే పరిటాల సునీతకు కృతజ్ఞతలు తెలిపారు.కార్యక్రమాల్లో ఎంపీడీఓ విజయలక్ష్మి, డిప్యూటీ ఎంపీడీఓలు అచ్యుతనంద, అశోక్‌బాబు, టీడీపీ రాష్ట్ర కురుబ కన్వీనర్ గంగలకుంట రమణ, క్లస్టర్ ఇన్‌చార్జిలు నారాయణస్వామి, రాము, సొసైటీ అధ్యక్షుడు గోపాల్, మార్కెట్‌యార్డు వైస్‌చైర్మన్ గంగలకుంట క్రిట్ట, ప్రతాప్, మధు, గ్రామ కమిటీ అధ్యక్షులు, డీలర్లు, ఫీల్డ్ అసిస్టెంట్లు, యానిమేటర్లు, ఇంజినీరింగ్ అసిస్టెంట్లు, సచివాలయ సిబ్బంది, పార్టీ కార్యకర్తలు తదితరులు పాల్గొన్నారు.