ఓటుహక్కు వినియోగించుకున్న జగ్గయ్యపేట మున్సిపల్ చైర్మన్ కూటమి అభ్యర్థి నరేంద్రుల వినీత

వాగ్దేవి కాలేజీలో ఓటు హక్కు వినియోగించుకున్న చైర్మన్ అభ్యర్థి నరేంద్రుల వినీత

జగ్గయ్యపేట, నవంబర్ 1 (మేజర్ న్యూస్):

జగ్గయ్యపేట పురపాలక సంఘ ఎన్నికల పోలింగ్ సందర్భంగా చైర్మన్ అభ్యర్థి శ్రీమతి నరేంద్రుల వినీత తన ఓటు హక్కును వినియోగించుకున్నారు. పట్టణంలోని వాగ్దేవి కాలేజీలో ఏర్పాటు చేసిన పోలింగ్ కేంద్రానికి వెళ్లి ఆమె ఓటు వేశారు.

ఈ సందర్భంగా పోలింగ్ కేంద్రం వద్ద ఆమె కుటుంబ సభ్యులు, పార్టీ నాయకులు, కార్యకర్తలు హాజరయ్యారు.

అనంతరం ఆమె మాట్లాడుతూ ప్రజాస్వామ్యంలో ఓటు హక్కు ప్రతి పౌరుడికి కల్పించిన విలువైన హక్కు అని తెలిపారు. పట్టణ భవిష్యత్తు, అభివృద్ధి దిశను నిర్ణయించడంలో ప్రజల ఓటు కీలక పాత్ర పోషిస్తుందని పేర్కొన్నారు. ప్రతి ఒక్కరూ బాధ్యతగా తమ ఓటు హక్కును వినియోగించుకోవాలని ఓటర్లకు పిలుపునిచ్చారు.

రిపోర్టర్ :-శివ జగ్గయ్యపేట ఎన్టీఆర్ జిల్లా