రగ్బీ రాష్ట్ర స్థాయిలో శ్రీ సుధ విద్యార్థికి గోల్డ్ మెడల్

వెల్దుర్తి,  మేజర్ న్యూస్:అన్నమయ్య జిల్లాలో నిర్వహించిన స్కూల్ గేమ్స్ ఫెడరేషన్ (SGF) రాష్ట్ర స్థాయి రగ్బీ పోటీల్లో వెల్దుర్తి శ్రీ సుధ హైస్కూల్ విద్యార్థి గోల్డ్ మెడల్ సాధించినట్లు పాఠశాల కరస్పాండెంట్ సాధనగిరి వేణుగోపాల్ తెలిపారు. పాఠశాలలో 8వ తరగతి చదువుతున్న వరుణ్ తేజ్ అండర్-14 విభాగంలో అద్భుత ప్రతిభ కనబరిచి ప్రథమ స్థానంలో నిలిచినట్లు పేర్కొన్నారు.ఈ సందర్భంగా ఆయన మాట్లాడుతూ... విద్యార్థులు చదువుతో పాటు క్రీడల్లోనూ రాణించాలని, రాష్ట్ర స్థాయిలో పతకం సాధించి పాఠశాలకు, తల్లిదండ్రులకు వరుణ్ తేజ్ గర్వకారణంగా నిలిచాడని అభినందించారు. భవిష్యత్తులో విద్యార్థి మరిన్ని ఉన్నత శిఖరాలను అధిరోహించాలని ఆకాంక్షించారు.అనంతరం విజేత వరుణ్ తేజ్‌తో పాటు క్రీడాకారుడి ఎంపికకు కృషి చేసిన వ్యాయామ ఉపాధ్యాయులు నాగరాజు, మనోహర్, రవికుమార్, సురేష్‌లను పాఠశాల యాజమాన్యం ప్రత్యేకంగా అభినందించింది. ఈ కార్యక్రమంలో పాఠశాల చైర్మన్ సాధనగిరి సుదర్శన్, డైరెక్టర్లు రాజా సుధాకర్ గుప్తా, కరణం సూర్యనారాయణ, ప్రిన్సిపల్ మేరీ చార్లెస్, వైస్ ప్రిన్సిపల్ షమీనా, ఉపాధ్యాయులు, విద్యార్థులు పాల్గొన్నారు.