ఓటు హక్కు వినియోగించుకున్న మంత్రి

నెల్లూరు, కార్పొరేషన్, మేజర్ న్యూస్ :   నెల్లూరు నగర మున్సిపల్ కార్పొరేషన్ ఎన్నికల పోలింగ్ సందర్భంగా రాష్ట్ర దేవాదాయ, ధర్మాదాయ శాఖ మంత్రి ఆనం రామనారాయణరెడ్డి  ఆదివారం ఉదయం తన ఓటు హక్కును వినియోగించుకున్నారు.నెల్లూరు నగరంలోని సంతపేట పి.ఎం.ఆర్.  మున్సిపల్ కార్పొరేషన్ ఉన్నత పాఠశాలలో ఏర్పాటు చేసిన పోలింగ్ కేంద్రానికి ఉదయాన్నే చేరుకున్న మంత్రి ఆనం రామనారాయణరెడ్డి  సాధారణ ఓటరుగా క్యూలైన్‌లో నిలబడి తన ఓటు హక్కును వినియోగించుకున్నారు.ఈ సందర్భంగా మంత్రి ఆనం మాట్లాడుతూ ప్రజాస్వామ్య వ్యవస్థలో ఓటు హక్కు అత్యంత పవిత్రమైనదని, ప్రజాస్వామ్య పరిరక్షణలో ప్రతి పౌరుడి ఓటు కీలకపాత్ర పోషిస్తుందని పేర్కొన్నారు.  ప్రజలందరూ తమ ఓటు హక్కును బాధ్యతాయుతంగా వినియోగించుకోవాలని, నగర అభివృద్ధి, మౌలిక సదుపాయాల కల్పన, ప్రజా సంక్షేమం, సమగ్ర పురోగతిని దృష్టిలో ఉంచుకుని ఓటింగ్‌లో పాల్గొనాలని పిలుపునిచ్చారు.