ఓం శక్తి అమ్మవారి విగ్రహ ప్రతిష్టకు విచ్చేయండి

- తెలుగు యువత రాష్ట్ర అధ్యక్షులు శ్రీరామ్ చినబాబుకి ఆహ్వానం
 

మదనపల్లె,మేజర్ న్యూస్ : అన్నమయ్య జిల్లా కేంద్రమైన మదనపల్లి పట్టణం బైపాస్ రోడ్డు,సాయిబాబా మందిరం ఎదురుగా నూతనంగా నిర్మించిన శ్రీ ఓం శక్తి అమ్మవారి దేవస్థానం విగ్రహ ప్రతిష్ట మహోత్సవాలు ఈ నెల 15వ తేదీ నుంచి 17వ తేదీ వరకు ఘనంగా నిర్వహించనున్నారు.ఈ నేపథ్యంలో తెలుగు యువత నాయకులు ఉమేష్ బోనాల,సాయిలోకేష్ తదితరులు తెలుగు యువత రాష్ట్ర అధ్యక్షులు శ్రీరామ్ చినబాబును ఆదివారం మర్యాద పూర్వకంగా కలిసి విగ్రహ ప్రతిష్ట మహోత్సవానికి ఆహ్వాన పత్రికను అందించారు.ఇందులో భాగంగా ప్రతిష్ట మహోత్సవ కార్యక్రమ వివరాలను తెలియజేసి,అమ్మవారి కృపకు పాత్రులు కావాలని కోరారు.ఈ సందర్భంగా శ్రీరామ్ చినబాబు మాట్లాడుతూ కోరిన కోర్కెలు తీర్చే కొంగు బంగారంగా ప్రసిద్ధిగాంచారన్నారు.అమ్మ వారిపై భక్తులకు అపారమైన నమ్మకం ఉందన్నారు.అమ్మవారి విగ్రహ ప్రతిష్టకు తప్పక హాజరవుతానని ఆయన వెల్లడించారు.