ఆత్మకూరులో కెవిపి ఎస్ జెండా ఆవిష్కరణ

ఆత్మకూరు లో కెవిపిఎస్ జెండా ఆవిష్కరణ
--అట్రాసిటీస్ చట్టాన్ని కఠినంగా అమలు చేయాలని డిమాండ్
ఆత్మకూరు, మేజర్ న్యూస్, సోమ వెంకటసుబ్బయ్  :

కుల వివక్ష వ్యతిరేక పోరాట సంఘం 28వ ఆవిర్భావ దినోత్సవం సందర్భంగా ఆత్మకూరు పట్టణం మున్సిపల్ బస్టాండ్ ప్రాంతంలో ఆదివారం జండా ఆవిష్కరణ చేయడం జరిగినది. ఈ కార్యక్రమంలో పాల్గొన్న కెవిపిఎస్ నాయకులు  మాట్లాడుతూ ఆత్మగౌరవం సమానత్వం కుల నిర్మూలన ఆశ యాలుగా కెవిపిఎస్ పని చేస్తున్నదని,  స్వతంత్రం వచ్చి 80 సంవత్సరములు దాటినా ఇప్పటికీ దళితులకు దేవాలయ ప్రవేశం లేకపోవడం, అరుగుల మీద కూర్చోనీయకపోవడం జరుగుతున్నదన్నారు. తమ సంఘం పోరాట ఫలితం గానే జస్టిస్ పున్నయ్య  కమిటీ సిఫార్సులు సాధించగలిగామని, అయితే ప్రభుత్వాలు అట్రాసిటీస్ చట్టాన్ని సక్రమంగా అమలు చేయక పోవడంతో దాడులు పునరావృతం అవుతున్నాయని అన్నారు. దళిత కాలనీల అభివృద్ధి కోసం సబ్ ప్లాన్ నిధులను సక్రమంగా ఖర్చు చేయక పోవడంతో దళిత కాలనీలు అభివృద్ధి జరగడంలేదని, దళితుల స్మశానాల కోసం అభివృద్ధి కోసం వచ్చిన 1235 జీవోను అమలు చేయాలని వారు డిమాండ్ చేశారు. ఈ డిమాండ్స్ సాధనకై ఈనెల 6వ తేదీ విజయవాడలో జరుగుతున్న మహా ధర్మాను జయప్రదం చేయాలని కోరారు. ఈ కార్యక్రమంలో కెవిపిఎస్ జిల్లా నాయకులు ఆత్మకూరు నాగయ్య, సిపిఎం పార్టీ పట్టణ కార్యదర్శి డేవిడ్ రాజు, టౌన్ కమిటీ సభ్యులు నాగేంద్ర, కెవిపిఎస్ జిల్లా కమిటీ సభ్యులు జి.పెంచలయ్య, రాము, రవుఫ్, ఆటో యూనియన్ నాయకులు ఆళ్ల పెంచలయ్య తదితరులు పాల్గొన్నారు.