నూతనంగా ఎన్నికైన ఎంపీటీసీ అధ్యక్షులు, ఉపాధ్యక్షులు ప్రమాణ స్వీకారం
శుభాకాంక్షలు తెలిపిన ఎమ్మెల్యే
పాతపట్నం నవంబర్ 19, మేజర్ న్యూస్:పాతపట్నం మండలంలో నూతనంగా ఎన్నికైన మండల ప్రజా పరిషత్ అధ్యక్షులు, ఉపాధ్యక్షులు మరియు ఎంపీటీసీ సభ్యుల ప్రమాణ స్వీకార మహోత్సవంలో నియోజకవర్గ శాసనసభ్యులు మామిడి గోవిందరావు పాల్గొన్నారు.ఈ సందర్భంగా నూతనంగా ఎన్నికైన అధ్యక్షులు, ఉపాధ్యక్షులు మరియు సభ్యులకు ఎమ్మెల్యే శుభాకాంక్షలు తెలియజేశారు.ప్రజలు తమపై ఉంచిన నమ్మకాన్ని, బాధ్యతను గౌరవిస్తూ ప్రజలకు అందుబాటులో ఉండాలని ఆకాంక్షించారు.గ్రామాల అభివృద్ధి, ప్రజా సంక్షేమమే లక్ష్యంగా సమిష్టిగా పనిచేస్తూ ప్రజల ఆకాంక్షలకు అనుగుణంగా పాలన అందించాలని నూతన ప్రజాప్రతినిధులకు సూచించారు. ఈ కార్యక్రమంలో ఎంపీపీ సీమ మీనాక్షి, వైస్ ఎంపీపీ పైల ప్రియాంక, తెంబూరు ఎంపీటీసీ అన్నెపు. ఉమామహేశ్వరరావు, కూర్మాపు రామారావు, కలమట భుజంగరావు, ఆస్పాన రాంబాబు 18 మంది ఎంపీటీసీలు పాల్గొన్నారు.