నెల్లూరు 15వ డివిజన్‌లో వైసీపీ ప్రచార జోరు.. ప్రజల్లో ఉత్సాహం!
నెల్లూరు రూరల్, మేజర్ న్యూస్ : ఫ్యాన్ గుర్తుకు ఓటేసి వైసీపీ అభ్యర్థులను గెలిపించాలని ఎమ్మెల్సీ చంద్రశేఖర్ రెడ్డి ప్రజలకు విజ్ఞప్తి. నెల్లూరు నగరంలో వైఎస్సార్ కాంగ్రెస్ పార్టీ ఎన్నికల ప్రచారం జోరుగా సాగుతోంది. ఇందులో భాగంగా నెల్లూరు తడికల బజార్ సెంటర్‌లో నిర్వహించిన ఎన్నికల ప్రచార కార్యక్రమంలో వైసీపీ శ్రేణులు ఉత్సాహంగా పాల్గొన్నాయి. ఈ ప్రచార కార్యక్రమానికి వైఎస్సార్ కాంగ్రెస్ పార్టీ నెల్లూరు సిటీ నియోజకవర్గ ఇన్‌ఛార్జ్, ఎమ్మెల్సీ పర్వతరెడ్డి చంద్రశేఖర్ రెడ్డి హాజరై.. వైసీపీ మేయర్ అభ్యర్థి ఆనం విజయకుమార్ రెడ్డి, 15వ డివిజన్ కార్పొరేటర్ అభ్యర్థి కామాక్షి దేవిగారితో కలిసి.. రోడ్ షో ద్వారా ఎన్నికల ప్రచారం నిర్వహించారు. ఈ సందర్బంగా అభ్యర్థులు ప్రజలకు అభివాదం చేస్తూ.. ఫ్యాను గుర్తుకు ఓటు వేయాలని కోరారు. జరగనున్న కార్పొరేషన్ ఎన్నికల్లో ఫ్యాన్ గుర్తుకు ఓటు వేసి, మేయర్ గా ఆనం విజయకుమార్ రెడ్డిగారిని, 15వ డివిజన్ కార్పొరేటర్ గా కామాక్షి దేవి గారిని గెలిపించాలని.. ప్రజలకు విజ్ఞప్తి చేశారు.
