నేడు గ్రామీణ పాఠశాలలకు సెలవు

నేడు గ్రామీణ పాఠశాలలకు సెలవు
• పట్టణాల్లో యథావిధిగా తరగతులు
• ఎన్నికల సిబ్బందికి 6న ఓడీ
• డీఈవో జనార్దన్‌రెడ్డి వెల్లడి
​ నంద్యాల టౌన్ మేజర్ న్యూస్(జయ భారత్ రెడ్డి ):  జిల్లాలో ఎంపీటీసీ, జడ్పీటీసీ ఎన్నికల నేపథ్యంలో ఈ నెల 5న ఎన్నికలు జరిగే గ్రామీణ ప్రాంతాల్లోని అన్ని పాఠశాలలకు స్థానిక సెలవు ప్రకటించినట్లు జిల్లా విద్యాశాఖ అధికారి జనార్దన్‌రెడ్డి తెలిపారు. మున్సిపాలిటీ పరిధిలోని పాఠశాలలలు మాత్రం యథావిధిగా పనిచేస్తాయని ఆయన స్పష్టం చేశారు. కాగా, ఎన్నికల విధుల్లో పాల్గొనే ఉపాధ్యాయులు, సిబ్బంది స్వస్థలాలకు చేరుకునేందుకు వీలుగా ఈ నెల 6వ తేదీన ఆన్‌ డ్యూటీ (ఓడీ) మంజూరు చేసినట్లు ప్రకటనలో వెల్లడించారు.