నామినేషన్ కేంద్రం వద్ద తోపులాట

పూసపాటిరేగ, సూర్య : స్థానిక సంస్థల ఎన్నికల్లో భాగంగా ఎంపీటీసీ స్థానాల్లో పోటీ చేసేందుకు వచ్చిన అభ్యర్థులను అదుపు చేయడంలో చేయడంలో పోలీసులు నానా అవస్థలు పడాల్సి వచ్చింది. ఉదయం పూట నామినేషన్ల ప్రక్రియ సజావుగా సాగినప్పటికీ మధ్యాహ్నం నామినేషన్లు వేసేందుకు పెద్ద ఎత్తున అభ్యర్థులతో పాటు వారు అనుచరులు రావడంతో నామ పత్రాల కేంద్రం వద్ద అభ్యర్థులు బారులు తీరారు. అభ్యర్థులతో పాటు వారి అనుచర గణాన్ని పోలీసులు నామ పత్రాల కేంద్రం వద్దకు వచ్చి నియంత్రించడం ఇబ్బందికరంగా మారింది. ఎన్నికల ఇబ్బంది టోకెన్ విధానం ఏర్పాటు చేసినప్పటికీ గంపగుత్తగా నామ పత్రాల కేంద్ర వద్దకు చేరుకోవడం ఎన్నికల అధికారికి నాం పత్రాలను సమర్పించేందుకు వెళ్లి వచ్చేవారికి కాస్త ఇబ్బందికరంగా మారడంతో ఎన్నికల అధికారి గోపి కూడా అసహనం వ్యక్తం చేశారు. పరిస్థితి శృతిమించడంతో మండల పరిపాలన అధికారి వైయస్సార్ నాయుడు కు చెప్పడం తర్వాత పోలీసులు జోక్యం చేసుకొని నాం పత్రాలను వరుస క్రమంలో పెట్టి ఒకరి తర్వాత ఒకరిని పంపించడంతో నామినేషన్ల ప్రక్రియ సజావుగా సాగినట్లు అయింది. తర్వాత పరిస్థితి అదుపులోకి రావడంతో అధికారులు ఊపిరి పీల్చుకున్నారు.

రిపోర్టర్ : రమేష్, పూసపాటిరేగ, విజయనగరం జిల్లా.