నామినేషన్ కేంద్రం దెగ్గర గుంపులు గుంపులుగా ఉండడం నిషేధం.. జగ్గయ్యపేట సీఐ...

*నామినేషన్ కేంద్రాల వద్ద గుంపులు నిషిద్ధం : సీఐ వెంకటేశ్వర్లు*

      స్థానిక సంస్థల ఎన్నికల నామినేషన్ల ప్రక్రియను ప్రశాంతంగా నిర్వహించేందుకు కఠిన పోలీసు ఆంక్షలు అమలు చేస్తున్నట్లు జగ్గయ్యపేట సర్కిల్ ఇన్‌స్పెక్టర్ పి. వెంకటేశ్వర్లు తెలిపారు. నామినేషన్ కేంద్రాల పరిసరాల్లో గుంపులుగా గుమిగూడటాన్ని పూర్తిగా నిషేధించినట్లు ఆయన చెప్పారు. సర్కిల్ కార్యాలయంలో ఏర్పాటు చేసిన విలేకరుల సమావేశంలో సీఐ మాట్లాడుతూ పోలీస్ కమిషనర్ ఎస్.వి. రాజశేఖర బాబు ఆదేశాల మేరకు కమిషనరేట్ వ్యాప్తంగా పోలీస్ చట్టం 30 అమలులో ఉందన్నారు. ముందస్తు అనుమతి లేకుండా ర్యాలీలు, ఊరేగింపులు, సభలు నిర్వహించరాదని స్పష్టం చేశారు. నామినేషన్ కేంద్రంలోకి అభ్యర్థితో పాటు ఇద్దరిని (1+2) మాత్రమే అనుమతిస్తామని తెలిపారు. అభ్యర్థులు నామినేషన్ వేసే సమయాన్ని ముందుగానే పోలీసులతో సమన్వయం చేసుకోవాలని సూచించారు. నిబంధనల ఉల్లంఘన.. ప్రక్రియకు ఆటంకం కలిగించినా కఠిన క్రిమినల్ కేసులు నమోదు చేస్తామని హెచ్చరించారు. ఎన్నికలు శాంతియుతంగా జరిగేందుకు అందరూ సహకరించాలని విజ్ఞప్తి చేశారు. సమావేశంలో సర్కిల్ పరిధిలోని నలుగురు ఎస్సైలు పాల్గొన్నారు.

రిపోర్టర్ :శివా జగ్గయ్యపేట