ముగిసిన బొబ్బిలి మున్సిపల్ ఎన్నికల ప్రచారం

బొబ్బిలి, సూర్య్ : బొబ్బిలి పురపాలక సంఘ ఎన్నికల ప్రచారం నేడు సాయంత్రం 5 గంటలతో ముగిసింది. ఎన్నికల కమిషన్ నిబంధనల ప్రకారం పోలింగ్‌కు 48 గంటల ముందు ప్రచారం నిలిపివేయాల్సి ఉండగా, నేడు సాయంత్రం 5 గంటల తర్వాత ఎలాంటి ప్రచార కార్యక్రమాలు నిర్వహించరాదని అధికారులు స్పష్టం చేశారు. ఈ గడువు తర్వాత బహిరంగ సభలు, రోడ్ షోలు, ఇంటింటి ప్రచారం, లౌడ్ స్పీకర్ల వినియోగం, సోషల్ మీడియాలో ప్రచారం వంటివి పూర్తిగా నిషేధించబడ్డాయని పట్టణ సిఐ కె నారాయణ తెలిపారు.

ఎన్నికల కోడ్ ఉల్లంఘిస్తే కఠిన చర్యలు తప్పవు:

నిబంధనలు ఉల్లంఘించి ప్రచారం నిర్వహించే వారిపై, ఓటర్లను ప్రలోభపెట్టే వారిపై కఠిన చర్యలు తీసుకుంటామని ఎన్నికల అధికారులు హెచ్చరించారు. పోలీసులు, ఫ్లయింగ్ స్క్వాడ్ బృందాలు పట్టణంలోని అన్ని వార్డుల్లో నిరంతరం నిఘా ఉంచుతున్నాయని, నిబంధనలు అతిక్రమిస్తే కేసులు నమోదు చేస్తామని తెలిపారు.