మూడవ వార్డు ఎస్టీ కాలానీవాసులు కూటమికి మద్దతు
*మూడో వార్డు ఎస్టీ కాలనీవాసులు కూటమికి మద్దతు*
ఆత్మకూరు, మేజర్ న్యూస్, సోమ వెంకటసుబ్బయ్య
: ఆత్మకూరు మున్సిపాలిటీలోని మూడో వార్డు మోడల్ ఎస్టీ కాలనీలో ఆదివారం తెలుగుదేశం యువనేత, మున్సిపల్ టిడిపి ఛైర్పర్సన్ అభ్యర్థి డాక్టర్ బొమ్మిరెడ్డి షకీలా తనయుడు బొమ్మిరెడ్డి తారకనాథ్ రెడ్డి పర్యటించి స్థానిక ప్రజల సమస్యలను అడిగి తెలుసుకున్నారు. ఈ సందర్భంగా కాలనీలో నెలకొన్న డ్రైనేజీ సమస్యను పరిష్కరించాలని, కుటుంబాలు పెరగడంతో కొత్త గృహాలు ఏర్పాటు చేయాలని స్థానికులు ఆయనను కోరారు.
ప్రజల సమస్యలపై సానుకూలంగా స్పందించిన బొమ్మిరెడ్డి తారకనాథ్ రెడ్డి, సమస్యల పరిష్కారానికి అవసరమైన చర్యలు తీసుకుంటానని హామీ ఇచ్చారు.
ఈ సందర్భంగా స్థానిక ప్రజలు మాట్లాడుతూ, తమ కాలనీ ఏర్పాటు చేసింది మీరేనని,మాకు గృహాలు కల్పించింది మీరేనని,ఇప్పటివరకు మా సమస్యలను పరిష్కరిస్తున్నది మీరే. మా కాలనీలో ఉన్న సమస్యలను కూడా మీరే పరిష్కరించాలి. మా ఓటు మీకే” అంటూ తమ అభిమానాన్ని వ్యక్తం చేశారు.అనంతరం ఆయన మాట్లాడుతూ, ఆత్మకూరు మున్సిపాలిటీ అభివృద్ధి, ప్రజా సమస్యల పరిష్కారమే లక్ష్యంగా కూటమి ముందుకు సాగుతోందని తెలిపారు. రానున్న మున్సిపల్ ఎన్నికల్లో కూటమి చైర్మన్ అభ్యర్థి డాక్టర్ బొమ్మిరెడ్డి షకీలా గారిని, మూడో వార్డు కూటమి అభ్యర్థి నలిసెట్టి సీనయ్య గారిని అత్యధిక మెజారిటీతో గెలిపించాలని ప్రజలను కోరారు.
కాలనీలో ప్రజలతో మమేకమై వారి సమస్యలను తెలుసుకుంటూ, కూటమి అభ్యర్థులకు మద్దతు ఇవ్వాలని బొమ్మిరెడ్డి తారకనాథ్ రెడ్డి చేసిన విజ్ఞప్తితో ప్రచార కార్యక్రమం కొనసాగింది.ఈ కార్యక్రమంలో కూటమి నాయకులు, కార్యకర్తలు పాక్గొన్నారు.
