మేదరమెట్లలో మంత్రి గొట్టిపాటి రవికుమార్ పరామర్శ.

కొరిశపాడు మండలం మేదరమెట్లకు చెందిన మన్నం రామాంజనేయులు తండ్రి వెంకటేశ్వర్లు ఇటీవల అనారోగ్యంతో మృతి చెందారు. ఈ విషయం తెలుసుకున్న రాష్ట్ర విద్యుత్ శాఖ మంత్రివర్యులు గొట్టిపాటి రవికుమార్ నేడు మేదరమెట్లలోని వారి నివాసానికి వెళ్లారు. ఈ సందర్భంగా మన్నం వెంకటేశ్వర్లు చిత్రపటానికి పూలమాలలు వేసి నివాళులు అర్పించారు. అనంతరం వారి కుటుంబ సభ్యులను నేరుగా కలిసి పరామర్శించి, ప్రగాఢ సానుభూతిని తెలిపారు. ఈ దుఃఖ సమయంలో కుటుంబ సభ్యులకు మనోధైర్యం కల్పించాలని భగవంతుడిని ప్రార్థించారు. మంత్రి వెంట పలువురు పార్టీ నాయకులు, కార్యకర్తలు ఉన్నారు.