andhrapradesh
మరణంలోనూ మరో ఇద్దరికి చూపునిచ్చిన శేషరత్నం
అవనిగడ్డ, మేజర్ న్యూస్: మరణించినా మరో ఇద్దరి జీవితాల్లో వెలుగులు నింపాలనే ఆశయంతో పులిగడ్డకు చెందిన కొల్లిపర శేషరత్నం (65) నేత్రదానం చేశారు. అనారోగ్యంతో ఆమె మృతి చెందగా, కుటుంబ సభ్యులు నేత్రదానానికి ముందుకు వచ్చారు.
భర్త లక్ష్మీనరసింహరావు, కుమారుడు నాగరాజు, కుమార్తెలు హేమలత, నాగమణి సహకారంతో నేత్రదానం జరిగింది. విజయవాడ ఎల్వీ ప్రసాద్ కంటి ఆసుపత్రికి చెందిన హరీష్ నేత్రాలను సేకరించారు. గతంలో శేషరత్నం అత్తగారి నేత్రాలను సైతం కుటుంబ సభ్యులు దానం చేయడం విశేషం. నాగాయలంకకు చెందిన సుదర్శి మానవతా సేవా సంస్థ ఆధ్వర్యంలో ఇది 305వ నేత్రదానమని నిర్వాహకులు రఘు శేఖర్ తెలిపారు.✍️ అజంతా శ్రీనివాస్, అవనిగడ్డ, కృష్ణాజిల్లా.
