మనుబోలు మండలంలో రోజురోజుకూ పెరుగుతున్న సైకిల్ స్పీడ్

నెల్లూరు, మేజర్ న్యూస్  : మనుబోలు మండలంలో తెలుగుదేశం పార్టీకి మద్దతు పెరుగుతోందని ఆ పార్టీ నాయకులు పేర్కొన్నారు. కీలకమైన స్థానిక సంస్థల ఎన్నికల వేళ జట్లకొండూరు పంచాయతీకి చెందిన వైసీపీ ముఖ్య నాయకులు, కార్యకర్తలు టీడీపీలో చేరారు. ఈ సందర్భంగా 19 కుటుంబాల వారు పార్టీ తీర్థం పుచ్చుకున్నారు.  నెల్లూరు వేదాయపాళెంలోని టీడీపీ కార్యాలయంలో నిర్వహించిన కార్యక్రమంలో సర్వేపల్లి ఎమ్మెల్యే సోమిరెడ్డి చంద్రమోహన్ రెడ్డి వారికి పార్టీ కండువాలు కప్పి సాదరంగా ఆహ్వానించారు. ఈపూరు నవీన్, బోయిన ఆదినారాయణ ఆధ్వర్యంలో ఈ చేరికలు జరిగాయి.  టీడీపీలో చేరిన వారిలో కిర్లా వెంకటేష్, ఆమవరపు మణిదీప్, శ్యామ్, వినోద్, కె. పెంచలయ్య, కె. మల్లికార్జున, కె. సుబ్రహ్మణ్యం, ఎన్. రామయ్య, కె. సునీల్ తదితరులు ఉన్నారు. ఈ సందర్భంగా టీడీపీ నాయకులు మాట్లాడుతూ, సోమిరెడ్డి చంద్రమోహన్ రెడ్డి నాయకత్వంలోనే మనుబోలు మండలంలో అభివృద్ధి సాధ్యమనే నమ్మకంతో పలువురు వైసీపీ నాయకులు, కార్యకర్తలు టీడీపీలో చేరుతున్నారని పేర్కొన్నారు. స్థానిక సంస్థల ఎన్నికల నేపథ్యంలో ఈ చేరికలు రాజకీయంగా ప్రాధాన్యత సంతరించుకున్నాయి.