మహిళల రక్షణకే మొదటి ప్రాధాన్యత -రాజీవ్ గాంధీ కాలనీ ప్రచారంలో అన్నా మల్లీశ్వరి

ఎడ్యుకేషన్ స్టాఫ్ రిపోర్టర్ : 64వ డివిజన్ పరిధిలోని జీవకోన ప్రాంతంలో మహిళల రక్షణకు మొదట ప్రాధాన్యత ఇస్తూ గెలిచిన వెంటనే వారికి రక్షణగా ఆ ప్రాంతంలో సీసీ కెమెరాలు, నిరంతరం పోలీస్ గస్తిని ఏర్పాటు చేస్తామని రాజీవ్ గాంధీ కాలనీ ప్రచారంలో అన్నా మల్లేశ్వరి మహిళలకు హామీ ఇచ్చారు. ప్రచారంలో భాగంగా మంగళవారం జీవకోన పరిసర ప్రాంతాలలో ఆమె ఇంటింటికి ప్రచార నిర్వహించారు. మహిళలకు రక్షణతో పాటు మెరుగైన సమాజం నిర్మించేందుకు కృషి చేస్తానని తెలిపారు. మౌలిక వసతులు ఏర్పాటు చేయడంలో రాజీ లేకుండా పనిచేస్తామని తెలియజేశారు. ఇక్కడే పుట్టి పెరిగాను కాబట్టి అన్ని సమస్యలు తనకి తెలుసని, వాటి పరిష్కారానికి కూటమి ప్రభుత్వం నుంచి ప్రత్యేక నిధులు మంజూరు చేసి అన్ని పరిష్కరిస్తానని హామీ ఇచ్చారు. అండగా నిలవండి అభివృద్ధి చేసి చూపిస్తానని భరోసా ఇచ్చారు. రానున్న మున్సిపల్ కార్పొరేషన్ ఎన్నికలలో ఎన్డీఏ కూటమి మేయర్ అభ్యర్థిగా పోటీ చేస్తున్న జేబీ శ్రీనివాస్, కార్పొరేటర్ అభ్యర్థిగా పోటీ చేస్తున్న తనకు సైకిల్ గుర్తుపై ఓటు వేసి గెలిపించాలని అభ్యర్థించారు. ఈ కార్యక్రమంలో బూతు ఇంచార్జ్ సోము యాదవ్, లతా, తులసి, శ్రీనివాస్ యాదవ్, స్థానిక మహిళలు పాల్గొన్నారు.

సీఎం గౌడ్ తిరుపతి స్టాప్ రిపోర్టర్