రాష్ట్రం బాగుండడమే కూటమి లక్ష్యం : ఎమ్మెల్యే విజయచంద్ర

పార్వతీపురం, అక్టోబర్ 27, మేజర్ న్యూస్ :
రాష్ట్రం బాగుండాలి, అభివృద్ధి చెందాలన్నదే కూటమి ప్రధాన లక్ష్యమని ఎమ్మెల్యే బోనెల విజయచంద్ర అన్నారు.పార్టీ కార్యాలయంలో జిల్లా పరిషత్ కూటమి అభ్యర్థులుగా బరిలో నిలిచిన వారిని ఎమ్మెల్యే పరిచయం చేశారు. అధిష్టానం నిర్ణయమే శిరోధార్యమని ఆయన అన్నారు.తెదేపా, జనసేన, భారతీయ జనతా పార్టీ అధినాయకులు చంద్రబాబు నాయుడు, పవన్ కళ్యాణ్, మాధవ్ కలిసి రాష్ట్రవ్యాప్తంగా జడ్పీ స్థానాలకు అభ్యర్థులను ఖరారు చేశారన్నారు. నియోజకవర్గంలో కూటమి ధర్మం ఖచ్చితంగా అమలైందని, ఈ అభ్యర్థులను గెలిపించుకోవాల్సిన బాధ్యత అందరిపై ఉందని ఎమ్మెల్యే వివరించారు.పార్వతీపురం స్థానాన్ని భారతీయ జనతా పార్టీకి కేటాయించారని, అభ్యర్థిగా ద్వారపురెడ్డి శ్రీనివాసరావు ఉన్నారని తెలిపారు. బలిజిపేట స్థానాన్ని జనసేనకు కేటాయించారని, అక్కడ అభ్యర్థి పాలూరు చాందిని పోటీలో నిలబడ్డారని వివరించారు. సీతానగరం స్థానాన్ని తెలుగుదేశం పార్టీకి కేటాయించారని, అక్కడ అభ్యర్థిగా కంకణాపల్లి అనురాధ పోటీలో ఉన్నారని తెలిపారు. అభ్యర్థులందరినీ గెలిపించుకోవాల్సిన బాధ్యత ప్రతి ఒక్క నాయకుడు, కార్యకర్తపై ఉందని, కూటమి ప్రభుత్వం రెండున్నరేళ్ల పాలనలో అనేక అభివృద్ధి, సంక్షేమ కార్యక్రమాలు చేపట్టిందని ఆయన పేర్కొన్నారు.