మహా వరుణ యాగాన్ని నిర్వహించిన ఎమ్మెల్యే ఎన్ఈఆర్

రణస్థలం: రైతులు ఎలాంటి ఇబ్బందులు పడకూడదని   మహా వరుణ యాగాన్ని ఎచర్ల నియోజకవర్గం  ఎమ్మెల్యే నడుకుదిటి ఈశ్వరరావు( ఎన్ ఈ ఆర్) నిర్వహించారు.ఎల్-నినో ప్రభావంతో వర్షాభావ పరిస్థితులు తలెత్తకుండా, రైతాంగానికి మేలు జరిగేలా వేద పండితుల ఆధ్వర్యంలో ఈ యాగం ఎమ్మెల్యే ఎన్ ఈ ఆర్  స్వయంగా అత్యంత వైభవంగా నిర్వ‌హించారు.
అనంతరం ఆయన మాట్లాడుతూ.. “ముఖ్యమంత్రి చంద్రబాబు నాయుడు ఆదేశాలతో రాష్ట్రవ్యాప్తంగా అన్ని ప్రధాన ఆలయాల్లో వరుణయాగాలు నిర్వహిస్తున్నారు. రైతు సంక్షేమమే ప్రభుత్వ లక్ష్యం. రైతు కళ్లలో ఆనందం చూడటమే కూటమి ప్రభుత్వ ఉద్దేశం” అని పేర్కొన్నారు.
ఈ కార్యక్రమం లో టీడీపీ ఇంచార్జ్ లంక శ్యామలరావు  తదితరులు ఉన్నారు.