అంగన్వాడీ కేంద్రాల్లో బీజేపీ నాయకుల పర్యటన

శామీర్ పేట,మేజర్ న్యూస్(అక్టోబర్06): ప్రధానమంత్రి నరేంద్ర మోడీ పిలుపు మేరకు మంగళవారం అలియాబాద్ మున్సిపాలిటీ పరిధిలోని పలు అంగన్వాడీ కేంద్రాలను వైస్ చైర్ పర్సన్ కన్ రెడ్డి మాలతి మాధవ రెడ్డి, స్థానిక బిజెపి నాయకులతో కలిసి సందర్శించారు.ఈ సందర్భంగా అంగన్వాడీ కేంద్రాల్లోని చిన్నారులకు పలకలు, బిస్కెట్ ప్యాకెట్లు, పండ్లను పంపిణీ చేశారు.చిన్నారుల ఆరోగ్యం, పోషణపై అంగన్వాడీ కేంద్రాల్లో తీసుకుంటున్న చర్యలను అడిగి తెలుసుకున్నారు. పిల్లలకు సేవలందిస్తున్న అంగన్వాడీ టీచర్లను శాలువాలతో సన్మానించి, చిన్నారుల సంరక్షణలో వారు చేస్తున్న సేవలను అభినందించారు.ఈ కార్యక్రమంలో బీజేపీ అలియాబాద్ మున్సిపాలిటీ అధ్యక్షుడు కొరివి కృష్ణ ముదిరాజ్,రాష్ట్ర యువమోర్చా కార్యవర్గ సభ్యుడు వరప్రసాద్ రెడ్డి, కౌన్సిలర్ లు కైరా గణేష్, దీపికా రెడ్డి, మండల ఉపాధ్యక్షుడు నిరుడు అశోక్, మండల ఎస్టీ మోర్చా అధ్యక్షుడు భీమా నాయక్, సోషల్ మీడియా కన్వీనర్ కోరుపల్లి యాదగిరి, బూత్ అధ్యక్షుడు పాక నాగరాజుతో పాటు పలువురు బీజేపీ నాయకులు, కార్యకర్తలు, గ్రామ యువకులు పాల్గొన్నారు.

తాటికొండ రవి గౌడ్, శామీర్ పేట్ రిపోర్టర్, మేడ్చల్ జిల్లా.