మాచర్ల : శనివారం రిజిస్ట్రేషన్ సేవలు యధాతధం

రెండవ శనివారం అయినప్పటికీ ఈ నెల 14వ తేదీన మాచర్ల సబ్ రిజిస్ట్రార్ కార్యాలయంలో రిజిస్ట్రేషన్ సేవలు అందుబాటులో ఉంటాయని మాచర్ల సబ్ రిజిస్ట్రార్ శ్రీరామ్ మనోహర్ తెలిపారు. రిజిస్ట్రేషన్ సేవలకు సంబంధించి ప్రజలకు ఇబ్బందులు కలగకుండా ప్రత్యేకంగా ఈ సేవలను అందుబాటులో ఉన్నట్లు పేర్కొన్నారు. భూములు, ఇళ్లు, స్థలాలకు సంబంధించిన రిజిస్ట్రేషన్లు చేయించుకోవాలనుకునే ప్రజలు ఈ అవకాశాన్ని సద్వినియోగం చేసుకోవాలని సూచించారు. పనుల నిమిత్తం సబ్ రిజిస్టర్ కార్యాలయానికి వచ్చే ప్రజలు ఈ విషయాన్ని గమనించాలని సబ్ రిజిస్ట్రార్ శ్రీరామ్ మనోహర్ కోరారు.

తవిటి శ్రీకాంత్. సీనియర్ రిపోర్టర్ మాచర్ల