క్షేత్రస్థాయిలో కాంగ్రెస్ పార్టీ ఆదరణతో ఎన్నికల్లో పోటీ

కైకలూరు, మేజర్ న్యూస్, క్షేత్రస్థాయిలో కాంగ్రెస్ పార్టీ   ఆదరణతో ఎన్నికల్లో పోటీ. కాంగ్రెస్ పార్టీ అధ్యక్షురాలు వైయస్ షర్మిల రెడ్డి ఆశీస్సులతో కైకలూరు నియోజకవర్గ ఇన్చార్జ్ బొడ్డు నోబుల్ నాయకత్వంలో కైకలూరు మండలం దొడ్డిపట్ల గ్రామానికి ఎంపీటీసీ అభ్యర్థి  వాసుపల్లి దేవ మాత నాయకులతో కలిసి ఎన్నికల ప్రచారం నిర్వహించారు. నరసయ్య పాలెం గ్రామంలో ప్రతి గడపగడపకు వెళ్లి ప్రజలను కలుసుకుంటూ కాంగ్రెస్ పార్టీకి ఓటు వేసి భారీ మెజార్టీతో గెలిపించాలని విజ్ఞప్తి చేశారు. గ్రామస్తులు, మహిళల నుంచి ఆమెకు విశేష ఆదరణ లభిస్తుంది. ఈ సందర్భంగా దేవమాత మాట్లాడుతూ గత కాంగ్రెస్ పార్టీ ప్రభుత్వ హయాంలో కుల మతాలకు అతీతంగా అర్హులైన  పేద కుటుంబాలకు ఇందిరమ్మ సంక్షేమ పథకాలు ప్రవేశపెట్టారని పేర్కొన్నారు. గ్రామస్థాయిలో ప్రజలకు అందుబాటులో ఉంటూ వారి అవసరాలు గుర్తించి అభివృద్ధి కార్యక్రమాలను ముందుకు తీసుకువెళ్తానని తెలిపారు. గ్రామాల అభివృద్ధికి ప్రాధాన్యత ఇస్తూ త్రాగునీరు, డ్రైనేజీ, సిసి రోడ్లు మెరుగుపరిచేందుకు కృషి చేస్తానని అన్నారు. 

రిపోర్టర్. ఎం రమేష్ కైకలూరు ఏలూరు జిల్లా