సూపర్‌సిక్స్ హామీలన్నీ మోసమే: వైకాపా యువనేత బుగ్గన అర్జున్‌రెడ్డి
డోన్ రూరల్ (): రాష్ట్రంలో కూటమి ప్రభుత్వం ప్రజలకిచ్చిన సూపర్‌సిక్స్ హామీలన్నీ పచ్చి మోసమని వైకాపా యువనేత బుగ్గన అర్జున్‌రెడ్డి విమర్శించారు. మున్సిపల్ ఎన్నికల ప్రచారంలో భాగంగా బుధవారం డోన్ పట్టణంలోని 30, 31, 32 వార్డుల్లో ఆయన విస్తృతంగా పర్యటించారు. వైకాపా కౌన్సిలర్ అభ్యర్థులకు మద్దతుగా ఇంటింటి ప్రచారం నిర్వహించారు.ఈ సందర్భంగా ఆయన మాట్లాడుతూ... ఎన్నికల సమయంలో సాధ్యంకాని హామీలిచ్చి అధికారంలోకి వచ్చాక ప్రజలను మోసం చేశారని మండిపడ్డారు. అభివృద్ధి కొనసాగాలన్నా, డోన్ పట్టణాన్ని కాపాడుకోవాలన్నా వైకాపా అభ్యర్థులను ఆదరించాలని కోరారు. ఫ్యాన్ గుర్తుపై ఓటేసి అభ్యర్థులను అత్యధిక మెజారిటీతో గెలిపించాలని ఓటర్లను పేరుపేరునా అభ్యర్థించారు.ఈ కార్యక్రమంలో మున్సిపల్ ఛైర్మన్ అభ్యర్థి బోయ చైతన్య, కౌన్సిలర్ అభ్యర్థులు వడ్డే శ్రీనివాసులు, తలారి మద్దమ్మ, కుమ్మరి రామాంజనమ్మతో పాటు పార్టీ నాయకులు, కార్యకర్తలు, అభిమానులు పాల్గొన్నారు. సూర్య ప్రతినిధి తారక్ నంద్యాల జిల్లా డోన్
