కంకటపాలెం రైతులకు నూతన పట్టాదారు పాస్‌ పుస్తకాలు
బాపట్ల, మేజర్ న్యూస్
సమగ్ర భూ రీ-సర్వే ప్రక్రియ పూర్తయిన నేపథ్యంలో బాపట్ల మండలం కంకటపాలెం గ్రామ రైతులకు నూతన పట్టాదారు పాస్‌ పుస్తకాలను బాపట్ల ఎమ్మెల్యే వేగేశన నరేంద్ర వర్మ రాజు పంపిణీ చేశారు. అత్యాధునిక భద్రతా ప్రమాణాలు, అధికారిక రాజముద్రతో రూపొందించిన పాస్‌ పుస్తకాలను రైతులకు అందజేశారు. ఈ సందర్భంగా ఎమ్మెల్యే మాట్లాడుతూ భూ వివాదాలకు శాశ్వత పరిష్కారం చూపడంతో పాటు రైతుల భూములకు పూర్తి రక్షణ కల్పించడమే లక్ష్యంగా ప్రభుత్వం సమగ్ర భూ రీ-సర్వే కార్యక్రమాన్ని చేపట్టిందన్నారు. అత్యాధునిక సెక్యూరిటీ ఫీచర్లతో రూపొందించిన నూతన పాస్‌ పుస్తకాలతో భూములపై రైతులకు మరింత భద్రత, హక్కులకు రక్షణ కలుగుతుందని తెలిపారు. భవిష్యత్తులో భూములకు సంబంధించిన సమస్యలను తగ్గించేందుకు రీ-సర్వే దోహదపడుతుందని పేర్కొన్నారు. కార్యక్రమంలో ఆర్‌డీవో హరికుమార్, తహసీల్దార్ సలీమా, టీడీపీ, జనసేన, బీజేపీ నాయకులు, కార్యకర్తలు, రెవెన్యూ అధికారులు, సిబ్బంది తదితరులు పాల్గొన్నారు.
